БАСТАПҚЫ
Редакция
Газет Тарихы
PDF НҰСҚАҒА ЖАЗЫЛУ
ЖАҢАЛЫҚТАР
САЯСАТ
СПОРТ
ҚОҒАМ
ДЕНСАУЛЫҚ
РУХАНИЯТ
ИНФОРМЛЕНТА
АЛАШ
ӘДЕБИЕТ
Видео
PDF АРХИВ
ЖАҢАЛЫҚТАР
ҮКІМЕТ ҚАЗАҚ ТІЛІНЕ БЕТ БҰРДЫ
2012 ж. 29 қараша
997
0
Мемлекеттік тіліміз осы уақытқа дейін өз мәртебесіне ие бола болмай келе жатқандығы жүрегі қазақ деп соғатын әрбір қазақстандықтың жанына батып жүргені жасырын емес. Осы бір күрделі мәселенің түйіні біртіндеп тарқатылып келе жатқандай. Бұған дәлел жақында Үкімет басшысы Серік Ахметовтың Үкімет отырыстары мен алқалы жиындарды мемлекеттік тілде өткізу жөнінде шешім қабылдағандығы. Жағымды жаңалықтан кейін іле-шала өткен Үкімет отырысы басынан аяғына дейін таза қазақ тілінде өтті. Осы уақытқа дейін қазақша сөйлеуге қиналып келген Қаржы министрі Болат Жәмішевтің өзі Парламенттің «2012-2014 жылдарға арналған республикалық бюджеттің» жаңа нұсқасын қабылдауына орай Үкіметтің 2011 жылғы 1 желтоқсандағы қаулысына өзгертулер мен толықтырулар енгізетін жаңа қаулының жобасына байланысты баяндамасын толықтай ана тілінде жасап шықты. Бұл шынында да күтпеген жаңалық болды. Дегенмен, жиын барысында ілеспе аударма да қолданылды. Орыстілді БАҚ өкілдері болса, баяндамалардың орысша нұсқасымен қамтамасыз етілді. Үкіметтің тізгінін қолға алғанына аз уақыт ғана болғанына қарамастан, Үкімет басшысының осындай игі бастама көтергені үкілі үміттің отын жаққандай болды. Не десек те биліктің қазақ тіліне бет бұрғандығы жағымды жаңалық болып тұр әзірге. Алдағы уақытта таза қазақ тіліндегі қоғам үшін қарышты қадамдар жалғасын таба берсе, қазақ тілі аз уақытта-ақ азат тілге айналары хақ.