Алматыда режиссер Тимур Бекмәмбетовтің кинотеатры ашылады

       Алматыда осы жылдың жазында қазақстандық режиссер Тимур Бекмәмбетовтің кинотеатры ашылады. Кинозал Республика алаңында жақында ашылатын «Алмалы» жерасты сауда орталығында орналасатын болады. Today.kz мәлімдегендей, Bekmambetov Cinema кинотеатрында 6 зал болмақ және жалпы алғанда, 400 адамды сыйғызу мүмкіндігі бар. Алты залдың үшеуі стандартты, ал тағы үшеуі «VIP» залдар болмақ. Жаңа кинотеатр ішкі дизайны жағынан да ерекшеленбек. Аталған кинотеатрда әлемдік кинопрокаттың жаңа туындылары ғана көрсетіліп қоймайды, сонымен қатар Тимур Бекмәмбетов фильмдерінің алғашқы қойылымдары өткізіледі. Кинотеатр басшылығы билеттерді ғаламтор арқылы сатуды жолға қоюға уәде беріп отыр.  Бетті дайындаған: ЕңлікБАҚЫТҚЫЗЫ