Еліміздегі ең бай адамдардың бірі алаяқтық үшін сотқа тартылмақ

«Иволга Холдинг» ЖШС-нің бұрынғы басшысы Василий Розинов істі болды. Ол Қостанай қаласында Қазақстан Республикасы Қылмыстық кодексінің «алаяқтық» бойынша айыпталып жатыр, - деп хабарлайды  stan.kz.

Басты сот процесі 17 қыркүйекке белгіленген. Розинов кепілдікке алынды.

Василий Розиновқа аса ірі көлемде алаяқтық жасады деген айып тағылды. Егер ол кінәлі деп табылса, 5 жылдан 10 жылға дейін бас бостандығынан айырылып, мүлкі тәркіленуі мүмкін.

Еске салайық, 2016 жылы Еуразиялық банк «Иволга Холдинг» ЖШС-ны ірі қарыздар бойынша банкрот деп жариялау туралы сотқа жүгінген болатын. Өтініш қанағаттандырылмады.

Кейін серіктестіктің бас директоры өзгерді, ал 2018 жылы компания таратылды. Оның орнына «Олжа Агро» ЖШС пайда болды.

Розинов елдегі ең бай 50 кәсіпкердің тізіміне енген кәсіпкер.