Арыс тұрғындары эвакуацияланады – Өмірзақ Шөкеев

2
1558

Түркістан облысының әкімі Өмірзақ Шөкеев Арыс қаласындағы жарылысқа қатысты жағдайды түсіндірді, деп хабарлайды ҚазАқпарат.

«Әскери бөлімде жарылыс болды. Сағат 09.20 кезінде хабарлама түсіп, төтенше жағдай жарияланды. Жақында орналасқан барлық аудандар мен елдімекендер жұмылдырылды. Қазір оқиғаның ауқымына баға бере отырып, қаланы толығымен эвакуациялау керектігін ұқтық. Сондықтан, барлық бағыт бойынша көліктер легі өтеді. Көліктер адамдарды тиеп алып, арнайы лагерьлерге орналастыратын болады. Барлық аудан әкімдері лагерьлерді ұйымдастыруды қолға алып, келгендердің тізімін жасауы керек. Әрбір әкімге тапсырма: келгендердің бәрін үйге немесе қонақүйге орналастыру керек. Әрбір лагерьді аудан әкімдері басқарады. Қазір эвакуция мәселесі бар. Біз сонымен айналысып жатырмыз», – деді Өмірзақ Шөкеев.

Еске салсақ, Арыс қаласындағы әскери бөлімнің қоймасында жарылыс болғандығы туралы хабарлаған болатынбыз. ҚР Қорғаныс министрлігі Арыстағы жарылыстан зардап шеккендер жоқ екендігін жариялады. Тоқаев Арыстағы оқ-дәрі қоймасындағы жарылыс зардаптарын жоюды тапсырды.

2 ПІКІРЛЕР

  1. Мынандай құпиясы жоғары нысанда қалай өрт шығып жүр? Зардап шеккен ел-жұртыма сабыр тілейміз, Алла сақтасын! Елім, жерім аман болсын!

  2. Бір түсінбейтінім қалай өрт шығады?, бұл қалай ??? Мұндай қоймаларда барлық өртқауіпсіздік шаралары қарастырылған ғой, ол жерде талап күшті емеспе??? Жəне де бұл 1-нші рет емес-ау өрттің болуы.
    Құдай өзі сақтасын жамандықтан.

Пікір жазу

Пікіріңізді енгізіңіз!
мұнда сіздің атыңызды енгізіңіз