Нұрбек ҚАРАСАЕВ: «Морпорт Ақтау» АЭА Қытайдың өндірістік паркінің салуы анық емес

Маңғыстауда құрылған «Морпорт Ақтау» арнайы экономикалық аймағының №6 субзонасынан Қытайдың өндірістік паркі салынуы әлі белгісіз. Бұл туралы Маңғыстау облыстық индустриалды-инновациялы даму басқармасы бастығының міндетін атқарушы Нұрбек Қарасаев мәлімдеді. Оның айтуынша жоба әлі нақтыланбаған. Тек қана ауызша әңгімелер ғана жүргізілген.

• Қытайдың өндірістік паркі салынады деген ақпараттан хабарымыз бар. Бірақ әлі күнге дейін біздерге басқарушы компания нақты ақпарат беріп, жоба әкелмеді. Жалып ауызша екіжақты әңгіме жүргізілгенімен, нақты шешімдер немесе құжаттар жоқ, -деді басқарма басшысының міндетін атқарушы.

Сондай-ақ «Морпорт Ақтау» арнайы экономикалық аймағаның басшысы Төлеген Әмірбек те бұл ақпаратты растамады. Естеріңізде болса, осыдан біраз бұрын Қытайдың Синьхуа ақпарат агенттігігнің Үрімшідегі бөлімі  Маңғыстауда орналасқан экономикалық аймақтың №6 субзонасынан Қытайдың өндірістік паркі салынатындығы туралы мәлімет таратқан болатын. Айта кетейік, арнайы экономикалық аймақта орналасқан өндіріс орындарының иелері барлық салықтан босатылады.