Маңғыстаулық кикбоксингшілер Италиядан жүлделі оралды

IMG_0032 Нұрболат ЖАЙЛАУБАЕВ кикбоксингтен Әлем чемпионы Маңғыстаулық бір топ кикбоксингшілер қыркүйектің 19- күні Италияның Римини қаласынан жүлделі оралды. Олар  2 жыл сайын өткізілетін WAKO Әлем кубогын  сарапқа салу үшін барған болатын. Жарыс  6-13 қыркүйек аралығында өтті.  Маңғыстаулық Нұрболат Жайлаубаев 81 келі дәрежесінде кикбоксингтен әлем чемпионы атанды. - Жарысқа Маңғыстаудан 10 бала кеткен болатын. Әлемнің 57 елінен қатысқан бұл жарыста Қазақстаннан 4 бала Әлем чемпионы атанды. Оның бірі біздің Нұрболат Жайлаубаев,- деді кикбоксингшілердің бапкері Есенмұрат СЕЛИКОВ. Сондай-ақ Маңғыстаудан барған Өнербек СЕЛБАЙ 51салмақ дәрежесінде күміс жүлдеге ие болды.