Маңғыстаудағы тылсым құбылыс Қытайдың тыңшы-спутнигі болуы мүмкін

Қыркүйектің 2-нен 3-не қараған түні маңғыстаулықтар аспаннан көрген тылсым құбылыс Қытайдың тыңшы-спутнигі болып шықты. Бұл туралы ресейлік Gazeta.ru сайты Aerospace.org-қа сәлтеме бере отырып жазады. Басылымның жазуынша, спутник Ақтау уақытымен 23:14-те жанып кеткен. Оның көрсетуінше, жасанды спутник Атырау облысы мен Ресейдің Оренбург облысының арасында өртенген. Құрылғының жарылу траекториясы мен уақытына қарай бұл Қытайдың радиолокациялық Yaogan 5 деп аталатын тыңшы-спутнигі болуы мүмкін.  Ол 2008 жылдың 15 желтоқсанында Тайюань ғарыш айлағынан Жер бетінен 500 шақырым қашықтықта поляр орбитасына ұшырылған болатын.