Министр: Толық емес отбасыларға үйде жұмыс істеуге жағдай жасау керек

3
3576

Бұл жайында кешегі съезде Қазақстан Президенті Нұрсұлтан Назарбаев айтқан еді. ҚР Еңбек және халықты әлеуметтік қорғау министрі Бердібек Сапарбаев Үкімет отырысында осы мәселені көтерді, – деп хабарлайды baq.kz.

«Келесі мәселе – толық емес отбасыларға үйде жұмыс істеуге жағдай жасау, ауылда тұратын көпбалалы аналарға да қосымша тегін грант, микрокредит беру. Қазір таңда гранттар қаралған, ендігі ұсыныс – көлемі 505 мың теңгелік грантты кемінде 5 мың адамға беру. Дәл осындай микрокредитті көпбалалы аналарға, оның ішінде мүгедек балалары бар аналарға беруді қарастыру қажет. Кредит көлемі жобаларына байланысты – 500 мың теңгеден 20 млн теңгеге дейін. Онымен кемінде 10 мың адамды қамтуға болады», – деді Сапарбаев.

Бұған дейін министр биыл 830 мың адам атаулы әлеуметтік көмекпен қамтылатынын және тұрмысы төмен отбасының балаларына жәрдемақы 23 жасқа дейін төленетінін айтты. Сондай-ақ, мүгедек балалары бар отбасылардың жәрдемақысы біршама өсетінін жеткізді.

Кеше «Нұр Отан» партиясының XVIII съезінде Қазақстан президенті Нұрсұлтан Назарбаев Үкіметке еліміздегі бірқатар әлеуметтік мәселені шешуді тапсырды. Олардың қатарында аз қамтылған, мүгедек баласы бар, толық емес және көпбалалы отбасыларды қолдау шаралары бар.

«Атаулы әлеуметтік көмек алуға құқылы балалы отбасыларды қолдау үшін көпбалалы жанұялардағы әр балаға ең төменгі төлемді 20 789 теңге сомасында бекіту керек. 2019 жылы атаулы әлеуметтік көмекпен 830 мың адам қамтылады, оның 550 мыңға жуығы – балалар. Бұнымен қатар, мүгедек балаларды тәрбиелеп отырған ата-аналар, қамқоршылар мен отбасыларға (тұлғаларға) берілетін жердемақыны 30 процентке ұлғайтуды тапсырамын», – деді Съезде Назарбаев. 

Президент бұған қоса, «Нұрлы жер» бағдарламасы аясында 40 мыңнан астам жалдамалы пәтер салуды тапсырды. «Олардың басым бөлігі тұрмысы төмен көпбалалы отбасыларға берілуі тиіс. Осы мақсатқа алдағы 7 жылда қосымша жыл сайын 50 млрд теңгеден бөлінеді» деді Елбасы.

Сонымен қатар, Мемлекет басшысы табысы төмен, мүгедек балалары бар, көпбалалы отбасылар мен толық емес жанұялар үшін баспанаға қол жетізу мүмкіндігін арттыруды, азаматтардың бұл санатына ТҮҚЖБ арқылы жылына 2-3 процентпен тұрғын үй заемдарын беру механизмін әзірлеуді тапсырды.

Ел президенті сондай-ақ, биылғы шілдеден бастап еңбекақысы төмен мемлекеттік қызметкерлердің жалақысын 30 процентке ұлғайтуды тапсырды.

3 ПІКІРЛЕР

  1. Мен ажырасканмын 2 кызым бар мемлекет тарапынан ешкандай комек аламай отырмын уйге де кезекке тура алмай жатырмын кыздарым мектеп окиды мен даяршы болып жумыс истеймин тапкан табыстарым кредитимди жабуга да кыздарымды асвраугада жетпей жатыр не истеуге болады

  2. Менде толык емес отбасымын. Ажырасканыма 3 жыл болды. Мектепте жұмыс істеймін. Квартирада тұрамын. Қаладан ауылға барып жұмыс істеймін. Табысым квартираға.жол ақысына.балаларымның мектепке қажетті құрал-жабдықтарына.күнделікті тамағымыз.ком.услугадан артылмайды. 21000 документ тапсыруға барсам.айлығыңыз асып кетеді дейді. Сонда менің шығысымды неге есептемейді? Мен неге өкіметтен көмек ала алмаймын? Күйеуім алимент төлемейді. 1өзім асырап отырмын балдарымды. Тіпті 300,000 тг кредитімді де жаппапты? Қайда барсам болады?

  3. Халыкка комек жасау керек тоз тозымыз шыгып кетти озим толык емес семя 18 жыл квартира да турам озим толим Бир з/п ешкандай комекке жатпаймыз баламды садике береалмайм жетпит кредит толим еки бала

Пікір жазу

Пікіріңізді енгізіңіз!
мұнда сіздің атыңызды енгізіңіз