Рамзан Қадыров: Егер адам ұрлық жасаса, одан бәрін тартып алу керек

Шешенстан басшысы Рамзан Қадыров «Известия» басылымына берген сұхбатында жемқор шенеуніктің ең ауыр жазасын атады. Оның айтуынша, пара алған не берген шенеуніктің мүлкін түгел тәркілеу керек, - деп хабарлайды qamshy.kz.

«Жемқорлықпен ұсталған басшылар, әкімдердің ісі тек сотпен бітеді. Бірнеше уақыт түрмеге отырып шығады да, баяғы бай қуатты өмірін жалғастырады. Сол себепті біздің стратегия басқаша: қателескен адамды көрсек, оның ақшасын тартып алып әлеуметтік нысандар, жолдар саламыз, мұқтаж адамдарға көмектесеміз. Егер адам ұрлық жасаса, одан бәрін тартып алу керек. Менің ойым – осы», - деді Қадыров.

Сонымен қатар Шешенстан басшысының ойынша, бәрі басшының қолында. «Егер басшы адамдардың ұрлыққа баруын қаламаса, міндетті түрде басқа әдісті ойлап табады. Әйтеуір адамдарының ұрлауына жол бермейді», - деді.