БРИТАНИЯЛЫҚ ӘРІПТЕСТЕРІН ҚАБЫЛДАДЫ

«Ақ жол» фракциясы Ұлыбритания мен Солтүстік Ирландияның Біріккен Корольдігі Парламентінің депутаттары делегациясын қабылдады. Делегация құрамында Боб Стюарт – Британ Парламенті қауымдар палатасының мүшесі (Консервативтік партия), Деннис Роган – Лордтар палатасы Төрағасының орынбасары (Консервативтік партия), Стефен Хепберн – Британ Парламенті қауымдар палатасының мүшесі (Лейбористік партия) болды. Кездесу барысында экономикалық және парламентаралық ынтымақтастық жөнінде мүдделі әңгіме өрбіді. Қонақтар «Ақ жол» партиясының саяси саладағы басымдықтарына қызығушылық танытты, ал фракцияда бизнес өкілдерінің болуы ерекше таңданыстарын тудырды. Еуропалық Одақпен қарым-қатынас, Брексит мәселесі, Астана Халықаралық Қаржы Орталығын (АХҚО) құру тақыры­бында, сондай-ақ ядролық қарудан бас тарту, нарық­тық реформалар, инвестицияларды қорғау, қазақ тілін латын әліпбиіне көшіру секілді Президент Назарбаевтың бірқатар бастамалары туралы айтылды. Британдық әріптестер басқосуды жалғастыру үшін «Ақ жол» депутаттарын Ұлыбританияға шақырды. «Ақ жол» партиясының баспасөз қызметі qazaquni.kz