Алдағы бес жылда Қазақстанға келген бауырлар үймен де, жұмыспен де қамтылады – Тұрысбеков

11
2889

Бүгін Астанада наурыз мерекесін атап өткен Дүниежүзі қазақтар қауымдастығы жаңа орынбасар келген соңғы 8 айға есеп берді, деп хабарлайды Baq.kz ақпарат агенттігі.

Онда 2017 жылғы Дүниежүзі қазақтар қауымдастығы бесінші құрылтайында Елбасы тапсырған 7 тапсырманың біразы орындалып жатқандығы туралы айтылды. Тікелей Президент тапсырмасымен «Отандастар» қоры құрылып, бүгінде өз жұмысын жүргізіп жатыр.

«Әуелі өздеріңіз білетіндей «Мәңгілік ел» болу үшін халықтың санын көбейту керек. Сол себепті де елден жырақта жүрген 4-5 млн қазақты отанға әкелу керек. Біз Ресейді, Моңғолияны, Қытай мен Өзбекстанды аралап шықтық. Келгісі келіп отырған 1 млн-дай халық бар. Бірақ осы жерде тағы бір мәселе бар. Ол – осындағы халықтың өзінде баспана жетіспей жатыр. Үй-күйі жоқ. Сондықтан оларға әуелі баспана, сосын жұмыс орынын беруіміз керек» – дейді Төрағаның орынбасары.

Ол бұл тұрғыда Шымкенттің шетіндегі «Асар» ауылын үлгі етті.

«Оны осыдан 15 жыл бұрын жасағанбыз. Осының жобасын жаңғырту мақсатында, Астанадан 10 шақырым (Қарағанды-Астана трассасының бойында) 200 га жер алып отырмыз. Оны алдағы уақытта 500 га-ға ұлғайту жоспарда бар. Екінші – Шымкент пен Ташкент арасынан 200 га алдық. Онда да елді-мекен жасауға әрекет жасап жатырмыз» – деген Зауытбек Тұрысбеков бұл жерлерге Қытайдан инвестиция тартатынын айтты.

Ол үшін Қазақстан мен Қытай арасындағы 51 өнеркәсіптік жобасының қатарына қосылу мақсатында жұмыс істеліп жатқанын айтты.

«Сол арқылы Қытайдан 5-6 зауыт әкеліп, солар арқылы екі елді-мекеннің құрылысын бастаймыз. Бұл алдағы уақытта еліміздің 9 облысында жалғасын табатын болады» – дейді Зауытбек Тұрысбеков.

Оның айтуына қарағанда Қауымдастықтың алға қойған мақсаттары толық орындалған жағдайда алдағы 5 жылдың ішінде елге келген қандастардың барлығы жұмыспен, баспанамен қамтамасыз етілетін болады.

«Біздің сондай есебіміз бар. Бес жылда елге келген жалпы бауырларымызды ң баспанасы мен жұмыс орнын шешуіміз керек. Бұл – Елбасымыздың тапсырмасы» – дейді Зауытбек Тұрысбеков.

Оның айтуына қарағанда, шетте жүрген қазақтардың ең басты мәселелерінің бірі ұлт ретінде тілден айырылып бара жатқандығы.

«Қытайда болдық. Барлық жастар қытай тілінде сөйлейді, ақпаратты сол тілде алады. Ресейдегі жағдай да тура сондай. Барлығы орысша оқып жатыр. Сондықтан біз қазір бағдарлама жасап жатырмыз. Онда сол балаларға қазақ тілін қалай меңгерту керек, әдет-ғұрпымызды, салт-дәстүрімізді қалай үйретеміз деген мәселелер қаралған. Сол үшін біз қысқа да нұсқа 8-9 бейнеролик жасадық. Себебі қазіргі жастар ұзақ, бір сағатттық, екі сағаттық киноны көрмейді. Біз соны ескере отырып ұлттық рухымызға, таным-түсінігімізге қатысты дүниелерді 5 минутқа сидыруға тырыстық» – дейді ол.

Алдағы уақытта бұл роликтерді кинотеатрлармен келісе отырып, кино басталардың алдында үлкен экраннан көрсетуді қолға алмақшы.

11 ПІКІРЛЕР

  1. Аталған жобаны бүкіл қазақ қолдау керек.Бір-бірімізді жамандан,күйе жаққаннан ұтпаймыз.Тек қолдап ғана қоймай талап еткеніміз жөн шығар.Қандай басшы болмасын аузынан шыққан сөзге,берген уәдесіне тұрмаса ,халықтың алдында,қоғамның алдында жауап беретінін білуі керек.

  2. Өте дұрыс, қолдаймыз! Өз ата жұртымыз жеп ресейге қашып (біздің елді жауыздан да жексұрын етіп көрсетіп), ол жақта жылу таппай бізге оралып жатқан сатқындардан гөрі өз қандастарымызды қолдайық, соларға жағдай жасайық!

  3. Бұл өкімет қотақ та бітірмейді! Құр ауызбен айта береді! Назарбаев кетпей & жақсы болмайды!

  4. Рас, бос сөз. Мына жерде екі желеу бір сылтаумен қытай зауыттарын тықпалау. Иттен сүйек қарыздар болып отырып үй салып береді деп иегім қышымайды имансыз билікке.

  5. Ең бірін шіден басқа ұлт орыс телеарналар ын жабу керек,украйнадағыдай.сосын ол елдерде Қазақ көп орналасқан жерлерде Қазақ тілі,салты болу керек деп талап қою керек,ол елдерге..
    Ал Қазақстан да кей жерлерде,шіркеу,провод зима,масловка,тройца бро яица деп т.б.бірдеңелерді тойлап жатады..
    Ал Қытай да 600 мың Қазақ ты тәрбиеленеді деп қамады деген хабарлар айтылып жатыр .Ал соны солар не болып жатыр,біз деген дүние жүзі таныған,алдыңғы қатарлы Қазақстан мемлекет і емеспіз бе ?. жоқ олай емес пе?.Крайным случае солай деп журналистер кейде аққорда да ғылар солай көпіріп айқай салып тұрамыз..Вот онда қамаудағы Қазақ тарды біліңдер әй билік жоғарыда ғылар..Естіседе п,өтті кетті деп меңіреу болып отырмай..

  6. Шеттегі қазақты келтіірудің алтын кезеңін нәтижесіз бос өткізіп алды.Қазірде қазақ мемлекеті өз қолынан келетін істерді атқаруға құлықсыз сыңай танытуда.Мәселен қазақстанға келіп қойған қазақ жылдам паспорт ала алмайды.Бұл туралы қам жейтін ешкім жоқ.Заңды шет елден валютаға сатып алмайды ғой.Көңілдеріі қаласа қандай да заң шығару құқы өздеріінде..Біірақ

  7. мынау сегіз айдан бері ай қарап,енді тірілді ме,қытайдағы бауырлар жайында жақ аша алмайды,шама қайда оған.

  8. Суреттегы отырған отырыс қандай, орысша оны поза дейді.

    жергілікті жердегі мені жарылқап тастағандай, Отырысын.
    Күлейінбе-жылайынба.

  9. Кілең бос сөз. Құрғақ сумен қуырдақ қуырған қызыз емес пе . Қаймағы бұзылмаған қытайдағы қалың қазақтың енді 5 жылда шаруасы бітті дей бер. Қазыргі ондағы жағдайды əлем түгелдей біліп отыр , бүл бәсекең ол туралы дым айтбайды. Сонда өзектен келген ағай болмаса Ол үйін кімге береді , білмедім . ДҮНИЕ ЖҮЗІ ҚАЗАҚ ҚАУЫМДАСТЫҒЫ деген шаңғар ақтай аты болған соң , ең болмағанда » қытайдағы қиын күнде қалған , бей күні халық» жөнінде , достықты байланыс , көршілік хақы , алыс -беріс , барыс- келісті негі зге ала отырып қытай жағымен əңгімеге болсада келуі керек еді. Кісі жоғал ған , не қолды болған малында жоқтайды ғой. Бұл қалай сонда ? Түснік Сіз.

Пікір жазу

Пікіріңізді енгізіңіз!
мұнда сіздің атыңызды енгізіңіз