Мұратхан Тоқмәдидің қамаудан қашқаннан кейінгі видеосы жарияланды

10
3677

Бүгін Ұлттық қауіпсіздік комитетінің сайтында Мұратхан Тоқмəдидің қашу əрекетінен кейінгі видеосы жарияланды, деп хабарлайды Baq.kz тілшісі.

«Мен Мұратхан Тоқмəди, өзімді жақсы сезінемін, денсаулығым да жақсы. 2004 жылы Əблəзовтің тапсырысымен Ержан Тəтішевті өлтіргенім үшін қылмыстық жауапқа тартылғанмын. Өз кінəмді мойындаймын. Мұны сотта да растағанмын. Мен үкімді күтіп жүріп, 8 наурыз күні қашып кетпек болдым. Дегенмен, құқық қорғау органдарының қызметкерлері мені ұстап алып, тергеу абақтысына апарды. Кінəмді мойындаймын жəне қателестім деп ойлаймын», — деді Тоқмəди видеода.

Тоқмәдидің қашып кеткені туралы мəліметті Тараз қаласы облыстық ауруханасының қабылдау бөлмесі де растаған. Сондай-ақ, бұл ақпаратты кеше Жамбыл облыстық Ішкі істер департаменті де растады. Түнгі уақытта Тоқмəдиді ұстау операциясы жүріп, құқық қорғау органдары күшейтілген режимде жұмыс істеді. Тоқмəди туралы мəлімет таратылып, құқық қорғаушылар көшені итпен торауылдады. Ал кеше ҚР ІІМ Мемлекеттік тіл және ақпарат департаментінің директоры Алмас Сәдубаев өзіне бұл мәселеге қатысты ақпарат келіп түспегенін жеткізген еді. Жедел шаралар нәтижесінде Мұратхан Тоқмәди ұсталды.

Еске салсақ, Таразда Тұран Әлем Банкiнiң бұрынғы төрағасы Ержан Тәтiшевтi өлтiрдi деп айыпталып отырған бизнесмен Мұратхан Тоқмәди iсiне қатысты сот процесi өтiп жатыр. 12 наурыз күні сот жарыссөзі өтуі керек болатын. Осылайша, 14 жыл бұрынғы қылмыс қайта тексерiлуде. Ал, 11 жыл бұрын бизнесмен Тоқмәди дәл осы қылмысы үшiн жазадан сытылып кеткен болатын. Сол кезде қылмыс абайсызда жасалды делiнiп, Мұратхан Тоқмәди Тараз қалалық сотының 2007 жылғы 3 қыркүйектегi үкiмiмен бiр жылға бас бостандығынан айырылып, рақымшылықпен жазадан босатылды. Бұл iс бойынша тергеу амалдары мен соттар 3 жылға созылған едi.

2017 жылғы 12 маусымда Алматыдағы арнайы операция барысында «ҚазСтройСтекло» ЖШС бас директорының кеңесшiсi Мұратхан Тоқмәди ұсталды. Бизнесмен «Iрi көлемдегi мүлiкке ие болу мақсатында бопсалау» бабы бойынша қылмыс жасады деген күдiкпен құрықталып, үш жылға бас бостандығынан айырылды. 2017 жылғы қазанда КТК арнасынан көрсетiлген фильмде Тоқмәди Ержан Тәтiшевтi өлтiргенiн мойындап, банкирдiң көзiн Мұхтар Әбләзовтiң тапсырысымен жойғанын айтты. Бұл факт бұған дейiн жүргiзiлген тергеу барысында да анықталып, iс қайта қозғалған едi. Сондай-ақ, Тоқмәди Әбләзовтен Тәтiшевтi өлтiру үшiн 2 траншпен 4 млн доллар көлемiнде сыйақы алғанын да жасырмады. Осылайша, Мұхтар Әбләзов Ержан Тәтiшевтiң өлiмiнен кейiн Тұран Әлем Банкiнiң басшылығына келген. 2018 жылғы 16-ақпанда Жамбыл облыстық сотында Тоқмәдиден жауап алынып, ол осы айтқандарын растады.

10 ПІКІРЛЕР

  1. Қайда барам деп ойлаған сонда. Не деген сорақылық. Қалай қашпақы адам қанын мойнына асып, соның жазасын өтеу керек. Сауап болды қайта жазасы ауырлайды енді

  2. Ақымақ қылатын адамдарды тапқан екен Мурка) КНБ қызметкерлерінің жұмысы мықты екені көрініп тұр осы жерде. Жарайсыңдар!

  3. Өзімді жақсы сезінем, денсаулығым жақсы дейді ма? Мына адам екі жүздінің екі жүзі екен ғой, Маскасы әбен шешілді

  4. Жағдайды өзі қиындатып отыр. Бірақ адам өлтіру мен бандиттік іс әрекеттері үшін жазаалатын еді. Соған екі есе қосылады енді. Таза ақымақ

  5. Қамаудан қашып құтылмақ болған екен ғой. Жан-жағын алдап қашып кетпек болған. Енді сенің сөзіңе ешкім сенбес. Жазаның үстіне жаза қослыатыны анық

  6. Өміріндегі ең үлкен қателіктердің бірін жасап отыр. Бақылаудан жасырынып қашып кеткен Тоқмәдидің ісі ары қарай өрби түсетініне сенімдімін. Бұл қашқаны өзінің ісіне кері әсерін тигізетін болады.

Пікір жазу

Пікіріңізді енгізіңіз!
мұнда сіздің атыңызды енгізіңіз