Астана әкімінің халықпен кездесуі жанжалға ұласты (ВИДЕО)

10
2340

Бүгін елорда әкімі Әсет Исекешевтің халыққа есеп беру кездесуі өте «қызу» өтті. Кездесуде «Азбука жилья» компаниясының үлескерлері әкімнің орынбасары Сергей Хорошунның отставкаға кетуін талап етіп, шу көтерді, деп хабарлайды Sputnik Қазақстан тілшісі.

Әсет Исекешевтің баяндамасынан кейін кезек сұрақ-жауап бөліміне келгенде, балкон жақтан ашынған тұрғындардың айғайы естілді. «Азбука жилья» компаниясының үлескерлері қолдарына плакат алып, әкім орынбасары Сергей Хорошунның отставкаға кетуін талап еткен.

Ашынған үлескерлер әкім мен оның орынбасарының жауабына да қанағаттанбады. Қала басшысы оларды жеке қабылдап, бұл мәселені шешуге дайын екенін айтқанымен, тұрғындарды тыныштандыра алмады. Модератор шараны ұйымдастырушылардан айғайлап отырғандарды залдан шығаруды сұрады.

«Әріптестер, басқа тұрғындарды да сыйлаңыздар. Сіздер онсыз да әр апта сайын бізде айғайлайсыздар», — деді әкім.

Кейін Исекешев құрылыс мәселесіне жауапты бірінші орынбасары Сергей Хорошунның жауабын тыңдады. Дегенмен екі шенеуніктің де жауабы баспанасына қол жеткізе алмай жүрген тұрғындардың көңілінен шықпады.

10 ПІКІРЛЕР

  1. Тәртіпке Совет одағы кезінде бағынған адам құл болған жоқ өйткені бəрі заңға бағынды.Ал қазір заңнан биік тұрғандар бар ғой.Совет одағында жаңағы тайжанов сияқтылар болған жоқ жеп жеп Венада демалып жататын өйткені ондай жемқор ұрлықшыларды Совет соты ату жазасына бұйыратын.Жаза міндетті түрде орындалатын.

  2. Осындайды Брежневтің кезінде очковтирательство деген. Қазір Брежневтің жұмыстарының бір ізіде жоқ.

  3. КЕЗДЕСУ КӨМЕККЕ ҚОЛДАУҒА МҰҚТАЖ АДАМДАРДЫҢ АЛДЫНДА БЕРІЛСЕ, ӘКІМНІҢ БАЯНДАМАСЫ БІР ТИЫНҒА ДА КЕРЕК ЕМЕС БОЛАР ЕДІ. ОСЫНДАЙ ЖИЫНҒА МЕМЛЕКЕТТІК ОРГАНДАРДЫҢ АДАМДАРЫН ӘДЕЙІ ЖИНАП, ӘДЕМІ СӨЗДЕР АЙТЫЛЫП ТАРҚАСАДЫ. БҰЛ ФОРМАТТЫ ӨЗГЕРТЕР КЕЗ КЕЛДІ, ӨТІІРІК ЖИЫННЫҢ КЕРЕГІ НЕ, ХАЛЫҚТЫҢ ТАЛАБЫНА САЙ БОЛА АЛМАҒАН БИЛІК, СҮЙРЕТІЛСЕ ДЕ, ҚҰЛА-СҮРІНІП ЖАТСА ДА ТІЗГІННЕН АЙЫРЫЛҒЫСЫ КЕЛМЕЙДІ, ХАЛЫҚТЫҢ СЕНІМІ МЕН АБЫРОЙЫН КЕРЕК ЕТПЕЙТІН БИЛІК ЕРТЕГІ ӘЛЕМІНЕН ШЫҒАР ТҮРЛЕРІ ЖОҚ.

  4. акiмге жактас болмакшы утiр-точкасына дейiн егiз болган.
    анкаусынба,ангалсынба,ен курыганда озгертiп-озгертiп жактассан неттi,кулкiм-ау.
    отipiктiн куйрыгы бip тутам деген,жаны шыркыраган халыктын жагдайын кайдан уксын,ак болке нан мен икра жеп отыргандар.

  5. Марат екеуіңнің жағдайларың жақсы ғой деймін, бәр адамдарды өздеріңдей көрмеңдер. Қаншама жұмыс таппай жүрген жастар көп, жағдайлары өте төмен жанұяларды білесіңдер ме? Қазақ Елі 17 млн, ал бір Москвада Қанша ?

  6. Мен осы халыққа есеп беру кезінде қатыстым, қаламыздың әкімі өзінің және қарамағындағылардың жұмысты толықтай жасап жатқанын атап өтті, мен оған толықтай қосыламын және алдағы уақытта жасайтын жұмыс жоспарын да атап өтті керемет. Не дейміз сәттілік бәріне, Бауыржан Момышұлы атамыздың сөзі бар: «Тәртіпке бағынған-құл болмайды» сондықтан тәрбиелі халық екенімізді көрсетуіміз керек сияқты….

  7. Мен осы халыққа есеп беру кезінде қатыстым, қаламыздың әкімі өзінің және қарамағындағылардың жұмысты толықтай жасап жатқанын атап өтті, мен оған толықтай қосыламын және алдағы уақытта жасайтын жұмыс жоспарын да атап өтті керемет. Не дейміз сәттілік бәріне, Бауыржан Момышұлы атамыздың сөзі бар: «Тәртіпке бағынған-құл болмайды» сондықтан тәрбиелі халық екенімізді көрсетуіміз керек сияқты….

  8. Мына жерде дайындалған тексерілген адамдар көбісі, ал егерде мұң мұқтажы бар Халықтар кіргенде Исекешевті және сол сияқтыларды столдарымен далаға көтеріп шығатын еді.

Пікір жазу

Пікіріңізді енгізіңіз!
мұнда сіздің атыңызды енгізіңіз