ҮДЕП БАРА ЖАТҚАН ҮРЖАРДАҒЫ САРЫ АУРУҒА КІМ ЖАУАПТЫ?

17
6880

Үш айдың ішінде-ақ үш есеге өскен сары аурудың өршуі дабыл қағарлық жағдайда

 

ҚР Денсаулық сақтау министрі Елжан БІРТАНОВ

мырзаның назарына!

 

 

Шығыс Қазақстан облысы Үржар ауданындағы менің туған ауылым Шолпанда сары ауруға байланысты түсініксіз жағдайлар болып тұр. Былтырғы қыркүйекте 2 бала сары аурумен ауырған. Олар ауруханаға жатып келгеннен кейін оқшауланбай, одан 4 балаға жұққан. Кейін бұл сан 49-ға жеткен. Оның ішінде Индира Жәнібекованың да желтоқсанда қайтыс болған қызы да болған (бұл туралы «Хабар 24» телеарнасының сайтында сол кезде хабарланды http://24.kz/…/211218-sh-o-da-sary-aurudan-6-synyp-o-ushysy…).

Бірақ оны ресми құзырлы органдар жасырып әлек дейді жергілікті тұрғындар. Кімнің болсын өз баласы өзіне қымбат! Оның үстіне баласы о дүниелік болып, қан жұтып отырса. Ханның баласы бала да, қараның баласы бала емес те сонда? Әлде шенеуніктерде бала жоқ па? Халық арасында «Сары ауру» деген атпен белгілі А гепатиты жұқпалы болғандықтан ауыл тұрғындары балаларын мектепке жіберуден қорқып, дабыл қаққан. Бірақ эпидемия жоқ деп Үржар ауданының әкімдігі – Акимат Урджарского района тарапынан мектептегі сабақты тоқтату туралы шешім қабылданбаған.

Оның алдында қазан айында бұл мәселе туралы «Хабар 24» телеарнасының тілшілері арнайы сюжет те түсірді (https://www.youtube.com/watch?v=JxmxBz_kfAI&feature=youtu.be). Енді кеше аурудың көбейгенінен осы телеарна тағы да жаңалықтардан көрсетіп, мәселе көтерген еді (https://www.youtube.com/watch?v=mk7wsVh3PZs&feature=youtu.be).

Сол ауылдағы Жүзағаш орта мектебінде 180-нің айналасында оқушы бар. Ауыл тұрғындарының айтуынша оның 49-ы осы сары аурумен ауырған. Сонда пайызға шақсаңыз 27 болып тұр. Бұл туралы бүгін Zakon.kz «Хабар 24» телеарнасына сілтеме жасап жазған болатын (https://www.zakon.kz/4898870-polsotni-detey-zaboleli-gepati…).

Бірақ ҚР Денсаулық сақтау министрлігі Қоғамдық денсаулық сақтау комитеті https://web.facebook.com/kooz.mz.gov.kz/ оны жоққа шығарып тек 12 бала ғана ауырған деп өз ресми парақшасына жазды және оны Zakon.kz-ке түсіндірме ретінде хабарлаған (https://www.zakon.kz/4899022-v-minzdrave-rasskazali-o-gepat…).

Ескеретін маңызды мәселе: бұл ауылға бірнеше рет БАҚ-та дабыл қағылса да, облыс орталығы Өскеменнен де, Астанадан да ешқандай ресми тексеріс бармаған.

Тіпті, ресми ақпаратқа қана сендік десек те, қазан айында ауырғандар саны 4 адам болса, ол қазір, 3 айдың ішінде-ақ 3 есеге – 300 пайыз өсіп, қазір 12-ге жеткен!!! Сонда аурудың өршігені болмаса, ол азайып тұрған

жоқ қой? Осындай қарқынмен кететін болса, өздеріңіз есептей беріңіздер жағдайдың қалай болатынын. Әбден дабыл қағатын жағдай!!! Осыған байланысты ҚР Денсаулық сақтау министрі Елжан Біртанов мырзаға осы мәселені қараса деп өтініш білдіреміз.

Серікқазы КӘКІБАЛАНОВ,

Ұлттық Интернет Ассоциациясының президенті

qazaquni.kz

17 ПІКІРЛЕР

  1. Барлык салада осылай,отipiк,жалган акпарат беру,шындыкты жасыру.
    Абден былыкка баткан,бip отырып алган жумсак май шелпек орыннан айырылмау ушiн,жалган есеп беру.
    Белшеден баткан сыбайлас-жемкор-жагымпаз-жандайшап-мактампаз-коркак-кулкiлдеуiктер.

  2. ДСМ-де әр салаға жауап беретін мамандар бар. сол мамандардың . денсаулық саласына қаоратылған қоғамдық денсаулық комитеті.сол комитеттің төрағасы Ж,Бекшин мырза,ол маман қазырғы уақытта департаменттерде дәрігердің орынында сан фельдщерлер көптеп жұмыс істеп жатыр. сатылап өсу деген желеумен.Жоғарғы мамандарға жұмыс жоқ. Егерде осылай бола берсе басқада жұқпалы аурулардың болмауына кім кепіл береді. Құрметті Министр мыза қоғамдық денсаулық департаменттерінің және басқармалардың штаттық кесетесін қайта қарау керек сияқты, Басқармаларда керек емес штаттар қаралғанОсы мәселені тез қарау керек деп есептейимің

  3. Серікқали Кəкібалановтың пікірімен толықтай келісемін. Өз көзімізбен көрген жағдай. Жоғарыдағы басшылардың дұрыс шешім қабылдауын сұраймын.

  4. Міне біздің қарапайымдылығымыздың аяғы қайғылы жағдаймен аяқталды. Өтірік есеп берудің салдары адам өмірін жалмады. Біз кімнен, неге қорқамыз? Ауыруын жасырған өледі, кінəлілерді тауып заң жүзінде жазалау керек.

  5. Баланың қайтыс болғандығы жөнінде куәлікте ОСТРЫЙ ГЕПАТИТ деп көрсеткен. Ал бұлар ол одан өлген жоқ деп отыр. Баланың анасы подделка жасап алған шығар мүмкін!

  6. Егемендік елдің азаматтары, бұндай жағдай бәріміздің басымызда болуы мүмкін, сондықтан ел болып ат салысқан дұрыс қой. Бәріміздің бұлағымыздың бастауы болған ауыл емес пе, еді, АЛАҢДАУЛЫМЫЗ!!! МИНИСТРЛІККЕ өтініш: » Жәй сөз болып қалмай, міндетті түрде анығына жетсеңіздер!»

  7. Бізге жау сырттан керек емес өз ішімізде жетерлік осындвй басшылар- ақ 18 млн енді жеткен xалықты өтірік жалған ақпарат пен жойса екінші жағынан ауру жояды жасырып жүргенімізде

  8. Аудан әкімін, Денсаулық сақтау департаменті басшысын, аудандық білім бөлімі бастығын, ауыл әкімін, мектеп диекторын, ауылдық ауыруxана бас дәрігері жұмыстан аластау керек!!

  9. Мақала нақты, дәлелді жазылып, ел үшін өте өзекті мәселе көтеріп отыр . Елгезек министр Елжан Біртанов бір жауабын айтып, мәселе шешімін табар деп сенеміз.

  10. «Кімнің болсын өз баласы өзіне қымбат! Оның үстіне баласы о дүниелік болып, қан жұтып отырса. Ханның баласы бала да, қараның баласы бала емес те сонда? Әлде шенеуніктерде бала жоқ па? » Турасын айтқан. Қолдаймыз!

  11. Ауыру ын жасырған өледі,деген.Б ұл жасырып жасырын отырған дарды басшыларды орнынан ұшыру керек..Сонда басқа ларға да сабақ болады.көп жерлерде осылай жасырып содан ауыру пайда болуда..

Пікір жазу

Пікіріңізді енгізіңіз!
мұнда сіздің атыңызды енгізіңіз