ҰЛТТЫҚ ПАНТЕОНҒА КІМДЕР ЖЕРЛЕНЕДІ?

Картинки по запросу ұлттық пантеон Қазақстан Үкіметінің 2017 жылдың 29 мамырдағы Жарлығымен Ұлттық пантеон туралы Ереже бекітілді. Бұл туралы zakon.kz-ке сілтеме жасап "Қазақ үні" ұлттық порталы хабарлайды. Ережеге сәйкес пантеонға келесі санаттағы қайтыс болған тұлғалар жерленеді: - Қазақстан президенттері мен олардың отбасы мүшелері; - Қазақстанның премьер-министрлері мен оның орынбасарлары, парламент палатасының төрағалары мен олардың орынбасарлары, мемлекеттік хатшылар, президент әкімшілігі басшылары, конституциялық кеңес, Ұлттық банк пен Жоғарғы сот төрағалары; - министрлер, президентке тікелей бағынатын мемлекеттік орган басшылары, облыс әкімдері, республикалық маңызға ие қала әкімдері, астана әкімдері; - «Халық қаһарманы», «Қазақстанның Еңбек Ері» атағын иеленгендер; - «Алтын Қыран», «Отан», «Қазақстан Республикасының Тұңғыш Президенті - Елбасы Нұрсұлтан Назарбаев», үш дәрежелі «Еңбек Даңқы» ордендерінің иегерлері; - «Кеңес Одағының батыры», «Социалистік еңбек ері» атағының иегерлері; - «Қазақстанның ғарышкер-ұшқышы» атағын иеленгендер; - президенттің шешімімен мақұлданған басқа да тұлғалар; - Пантеонға жерленгендердің жанына кейін қайтыс болған жары да жерлене алады.