Сапарбаев мүгедек баласы бар жалғызбасты ананы бір күнде жаңа пəтерге көшірді (фото)

13 жастағы мүгедек бала тəрбиелеп отырған ананың тілегі орындалды. Бердібек Сапарбаев жалғызбасты ананы бір күнде жаңа пəтерге көшірді деп хабарлайды NUR.KZ тілшісі.

Ақтөбеде облыс əкімінің есебіне барып, көмек сұраған жалғызбасты ана жаңа пəтерге көшірілді.

"Көшетінімді  кеше естідім. Сене алған жоқпын. Əкімдік көлік жіберіп, көшіріп əкелді. Асханасы бөлек, ішінде дəретханасы бар. Бұдан артық не керек?! Тек жылы су жоқ. Оны да қондырып береміз деп жатыр. Мұқтаж жандардың сөзін ести алатын Бердібектей ағаларымыздың  берекесі еселенсін", - дейді Гүлмира.

Гүлмира Есбергенова əкімнің алдында жалғыз қызының жағдайын айтып жылаған болатын. Жағдайын көру үшін облыс əкімін үйіне шақырды. Əкім аядай бөлмеде қиын жағдайда тұрып жатқан жалғызбасты ананы бір күнде жаңа пәтерге көшірді.

Бүгін жаңа үйге көшіп жатқан Гүлмираның сыйлық қабылдаудан қолы босамай жүр. Қуанышында шек жоқ. Қала əкімінің орынбасары Лəззат Аманжолқызы жаңа жуыну ваннасын алуға көмектескен.

"Иесіз тұрған үйді тауып, жөндеу жұмыстарын жасадық. Жетіспеген заттарды əлі де əкеліп беретін боламыз. Осы жатақхананың жоғарғы қабатына тағы бір төрт балалы отбасын көшіріп əкелдік", - дейді Лəззат Оразбаева.

Гүлмира Есбергенованың баласының еміне көмектесу үшін мына нөмірге хабарласа аласыздар: 8701 424 68 50