Румынияда жұрттың жаппай қарсылығын тудырған заң жобасы қайта жазылатын болды (ФОТО)
2017 ж. 09 ақпан
2190
0
Румынияда халық билік қабылдаған заңға наразылық танытып, ереуілге шықты. Бұл туралы КТК арнасы хабарлайды.
Бұған дейін биліктегілер рақымшылық пен қылмыстық кодекске өзгертулер енгізбек боп дайындаған құжат кері қайтарылған еді. Алайда, ашуға мінген румындар енді үкіметтің толық отставкаға кетуін талап етіп отыр.
Бірнеше күннен бері бүкіл елді дүрліктірген шерулер бүгін аз да болса бәсеңдегенімен, жұрт әлі де басыла қоймаған. Қылмыстық кодекстегі өзгертулерге көңілі толмаған жұрт наразылығын жалғастырып жатыр. Заңдағы өзгеріс бойынша, сотталған жемқорлардың жазасы жеңілдетілуі тиіс болған. Бірақ, румын халқы бұған қарсы өре түрегелді. Ал ел президенті Клаус Йоханнис болса, үкіметті отставкаға жібермеудің амалын қарастыруда. Ол үшін референдум жүргізуді ұсынып отыр.
qazaquni.kz
