Қызылордада қыз алып қашудың арты өліммен аяқталды

Қызылордада адам ұрлау ісі бойынша жантүршігерлік оқиғаның соты аяқталды.

Бұл туралы BNews.kz хабарлайды.

«Ер адам таныс қызын күштеп көлікке мінгізіп, асқан жылдамдықпен көлігін айдаған. Жәбірленуші одан тоқауын сұрағанымен, жүргізуші оған құлақ аспайды. Осы кезде қыз көлігінен секіріп түспек болады. Кейін ол емханада көз жұмды», – дейді Қызылорда облысы бойынша ІІД баспасөз қызметі.

Сотта жігіт пен қыздың 9 жылдан бері таныс екені, олардың жақын араласқаны анықталды. Жігіт үнемі қызды қызғанып жүрген. Оны ұрғаны үшін де бірнеше рет жауапқа тартылды. Ол кейін құрбысынан сұрап, оның қайда барғанын, кіммен жүргенін тексеріп жүрген.

Бір күні қыздың жұмысында тексеріс жүріп ол түнге дейін сонда болуына тура келеді.

Ертесі екі күн бойы жігіт оның өзін алдағанын айтып хаттар жіберіп қорқытқан. Үшінші күні оны жұмысынан соң көлігіне отырғызып алып, күштеп алып кетеді. Қыз кейін алған жарақатынан көз жұмды.

Соттың бұлтартпас шешімі бойынша айыпталушы 10 жылға бас бостандығынан айырылып, жазасына қатаң ұстау абақтысында өтейтін болды.