Қарағанды облысында ерлі-зайыптылар үсіп қалған қызының денесін өртеп жіберді
2016 ж. 23 желтоқсан
2723
0
Қарағанды облысында сот өз баласын өлтірді деген күдікпен Үштөбе ауылының тұрғындарын қамауға алуға шешім шығарды деп хабарлады Sputnik Қазақстан.
Бұл туралы Қарағанды облыстық сотының баспасөз хатшысы Гүлбаршын Жітікова мәлімдеген.
"Новый Вестник" жергілікті басылымының мәліметі бойынша, 2016 жылы 2 ақпанда ер адам бірге тұратын әйелінің екі жасар қызымен Үштөбе аулынан бір шақырымдай қашықтықта далада келе жатқан.
"Қыз ер адамға ілесе алмай, қалып қоя береді. Сол кезде ол баланы далаға тастап, үйіне кетіп қалады. Болжам бойынша, ер адам мас болған. Таңертең ерлі-зайыптылар айығып, қызды іздеуге барады. Сөйтіп, оның өлі денесін тауып алады. Ол түнде үсіп қалған екен", — деп хабарлайды басылым.
Олар үсіп қалған қызының денесін өртеп жіберген. Қарағанды облыстық соты Sputnik Қазақстан агенттігіне хабарлағандай, бірге тұрып жатқан ер мен әйел ұсталған.
"Қазыбек би аудандық соты бұлтартпау шарасы ретінде 99-бап "Кісі өлтіру" бойынша күдіктелген ер мен әйелді қамауға алу өтінішін қарастырды", — деп хабарлады Жітікова.
Сот қаулысымен күдіктілер 20 желтоқсан күні екі айға қамауға алынды.
