Ғаббас Қабышұлы. НҰРТАЙ  – АЗАМАТ!

nurtay-3     Нұртай – Азамат! Өзіме қатысты үш сәтті айтайын:
  1. Әйгілі «Азат» қозғалысының басшысы, «Азат» партиясының төрағасы Михаил Иванович (анығында – Хакім Тілегенұлы) Есенәлиев ағамыз қайтыс болып, қырқын өткізген соң, жұбайы менен Естеліктер кітабын шығаруды өтінді.  Нұртай сол кітапқа бірден мән беріп, басқаны іздетпей, өзі дереу демеуші болды.
  2. Марат Қабанбай марқұмның қабірі басына құлпытас орнатуға ақша таба алмай, Шығыс Қазақстан облысының шоқындыларынан көңілім қалып жүрген күндердің бірінде Нұртай кездесіп, сәлем беріп: «Аға, өңіңіз біртүрлі ғой, әлденеге шаршап жүрсіз бе?» деді. Мен шынымды айттым. "Аға, мен көмектесем!" деді. Айтты – орындады!
  3. Ғалымжан Мұқанов деген жазушы, аудармашы болды. Менің тапсыруыммен Абайдың өлеңдері мен ғақлиясын француз тіліне аударып, Абайдың 150 жылдығына кітап етіп шығардық. Парижде ЮНЕСКО атап өткен Абай тойына 10 кітап алып бардым.  Француз жазушылары аударманың өте жатық екеніне таңдана рахмет айтты.
Ғалымжан сырқаттанып, Парижге бара алмаған еді. Сол сырқаты асқынып, ауруханаға түсіп, ота жасатып шықты. Қаржы жағынан қиын жағдайға ұшырап жатқанын айтты (көңіл сұрай үйіне барғанымда). Қаржы қарастырып, біраз адамдармен сөйлесіп едім, ештеңе шықпады. Одан кейін, амал не, ыңғайсыздансам да, Нұртайға телефон шалдым. «Аға, ыңғайсыз емес, ол жігітті сырттай білемін, көмектесемін, телефон нөмірін айтып жіберіңізші!» деді. Алдын ала алғысымды да қоса айттым. Төрт күн өткенде Ғалымжан үйге телефон соғып: «Аға, бағана үйге Нұртай Сәбилиянов деген жігіт келіп, танысып, хал-ахуал сұрай әңгімелесіп, жүз мың теңге беріп кетті. Мен ұялып: «Мұныңыз не? Рахмет, алмаймын!» деп едім: «Ғалеке, бізге сіздің денсаулығыңыз керек» деді. Осыны айтқан Ғалымжанның көңілі босап, дауысы бұзылды. Мен жұбатып бақтым. Нұртайдың басқа да бірнеше жазушыға қол ұшын бергенін білемін.Жүрегі ыстық (Абай атамыз айтқандай) адам ғана жомарт болады. Нұртай інім, бала-шағаңның, немере-шөберелеріңнің қызығын келін екеуің қол ұстаса бірге көріп, 100 жасауларыңа тілектеспін! gabbas  Желтоқсанның 30 жылдығында   Желтоқсанның ызғарын алаңда бастан өткерген  өзіңнен сұхбат алған "Қазақ үні" сайтына, Тасқараұлы Азамат ініме 1001 рахмет!   Шал ағаң Ғаббас   qazaquni.kz