Көптен бері көрінбей кеткен Сара Назарбаева халық алдына шықты (фото)

Соңғы уақытта ел көзінен тасада жүрген Сара Назарбаева халық алдына шықты. Бұл туралы Алматы телеарнасына сілтеме жасап NUR.KZ хабарлайды.

Сара Алпысқызы «Өзін-өзі тану» рухани-адамгершілік білім беру жөніндегі республикалық кеңестің 9-шы есеп беру отырысына басты қонақ ретінде қатысты.

«Қазіргі адамдар ең басты нәрсені ұмытқан. Бастысы дегенім, жалпы адами құндылықтарды, адамгершілікті шетке ысырып қойған. Ең алдымен біз, үлкен адамдар өзімізді рухани тұрғыда тәрбиелеуіміз керек», - деді «Бөбек» қоғамдық қорының президенті Сара Назарбаева.

Кеңестің басты мақсаты - мектеп жасына дейінгі балалар, мектеп қабырғасындағы жасөспірімдер мен студенттердің рухани құндылықтарын арттырып, адамгершілікке тәрбиелеу.