Ерасыл Әубәкіровті өлтірді деп айыпталғандарға сот үкімі шықты

0
1413

Астана қаласының қылмыстық істер бойынша мамандандырылған сотында Ерасыл Әубәкіровті өлтірді деп айыпталған үш жігітке сот үкімі шықты.

Бұл туралы Today.kz-ке сілтеме жасап NUR.KZ хабарлайды.

Сот үкімімен Нұрбек Әжімбай 20 жылға бас бостандығынан айырды. Ол жазасын қатаң режимдегі колонияда өтеп, дүние-мүлкі тәркіленетін болады. Ал Виталий Шерстенев 11 жылға, Андрей Тихоненко 16 жылға сотталып кетті.

Cот процесі алқабилер сотының қатысуымен өтті.

Медицина университетінің студенті Ерасыл Әубәкіров 3 ақпанда із-түзсіз жоғалған. 10 ақпанда Астана қаласы ІІД-нің қызметкерлері жедел-іздестіру шаралары барысында Е.Әубәкіровтің мәйітін тапқан болатын. Адам өлтірді деген күдікпен төрт адам – Аян Мейірбаев, Андрей Тихоненко, Виталий Шерстенев және Нұрбек Әжімбай ұсталды.

А.Мейірбаев қылмыстық істе ең басты күдіктілердің бірі болған. Бірақ кейін Аян Мейірбаевқа қатысты қылмыстық қудалау тоқтатылды, 7 мамырда Астана прокурорының келісімімен Аян Мейірбаев босатылды.

Пікір жазу

Пікіріңізді енгізіңіз!
мұнда сіздің атыңызды енгізіңіз