Қылыш асынған казактардың жиынын өткізуге кім рұқсат берді?!. (ФОТО)

22
5978

ҚР Ұлттық Қауіпсіздік Комитеті төрағасы К. Мәсімовке,

ҚР Бас прокуроры А.Жақыповтың  назарына

 

Қасиетті Алаш ордасы – Семей қаласында Тәуелсіздіктің 25 жылдығында қылыш асынған казактардың жиынын өткізу мерейлі  мерекені келеке ету емес пе?!.

Семейде казактардың қарулы жиыны өтті. Бұл туралы «Қазақ Үні» ұлттық порталының тілшісі хабарлайды. 

Ұлтты басыну дейміз бе, ұлтаралық алауыздықты туғызды дейміз бе?.. Бұл оқиғаны қалай атауды да білмей дал болдық. Қазақты қырған қанды атаман Ермактың күндерін өздерінің дәстүрлі мерекесі деп атап, Семей жеріне Өскемен мен Шемониханың казактары қылыштарын сүйретіп келіп той тойлады.

Как казаки Иртыш раскачали

Бұны той деуге де болмайды. Мұнымен қоймай, казактардың әскери формасын киіп алған бұлар өз «Отечестволарына» адал болуға ант берісіпті. Қазақстанға емес, Елбасыға емес, өздерінің, казактардың «Отечествосына» ант берген!!! Бұл туралы Экспресс-К газеті де еш қымсынбай жазды.

Ант беріскеннен кейін жастардың басын тақырлап, оларға ұрыстың айла-тәсілдерін үйретті. Мұны қалай атаймыз? Бір емес, он емес, жүзден астам адамның суық қарумен ұрыстың айла-тәсілін үйреніп жатқанына Семей әкімдігі де, жергілікті Ұлттық Қауіпсіздік комитетінің бөлімшесі де көз жауып қарап отырған ба?

Картинки по запросу ермак салимов
Семей қаласының әкімі Ермак Салимов

Семей қаласының әкімі қайда қарап отыр? Айтпақшы, Семей әкімінің есімі де осы қанды атаман Ермактың құрметіне қойылған-ау, шамасы. Ермек емес, ресми түрде өзін Ермак деп жазатыны соған дәлел секілді. Ермак Салимов үшін бұл жиын қалыпты жағдай секілді…    Шығыс Қазақстан облысына әкім болып бара салып, «Қызыл алаң саламын» -деп қызылшеке болып жүрген Даниал Ахметов облысында не болып жатқанын біле ме? Білсе, бұндай масқараға қалай рұхсат беріп отыр? Одан да биыл 25 жылдығы өткелі отырған Тәуелсіздіктің 25 жылдық мерекесіне, 30 жыл толып отырған Тәуелсіздік қарлығашы -Желтоқсан көтерілісіне арналған шаралар өткізбей ме?

Қасиетті Алаш ордасы – Семей қаласында Тәуелсіздіктің 25 жылдығында қылыш асынған казактардың жиынын өткізу мерейлі  мерекені келеке ету емес пе?!.

«Время» қоғамдық-саяси газетінің тілшісі Милана Гузеева бұл жиын туралы былай деп жазды:

«В Семее отпраздновали День Ермака. Но речь идет не об акиме города Ермаке САЛИМОВЕ, а о его тезке – легендарном казачьем атамане.

На святом ключе в сосновом бору, где проходило празднество, собрались казаки из Семея, Усть-Каменогорска и Шемонаихи. Собравшиеся продемонстрировали обряды, в том числе посвящение в казаки (верстание). А благодаря “казачьему вару” – старинному способу обучения навыкам коллективного взаимодействия в бою – собравшиеся смогли показать свою молодецкую удаль. Финальным аккордом Дня Ермака стало спускание поминального венка в воды Иртыша. По народным преданиям, именно в этой реке утонул атаман.»

Сонда бұл Ермак кім? Бұл Ермак қазақты аяусыз қырған жауыз. Өлтіріп ғана қоймай, аруақты қорлаған адам. Мұсылман зираттарын қаздырып, өлгендердің мәйітін де қорлаған атаман. Қазақтың «Сәтбек батыр» дастанында Сәтбектің бала-шағасын Ермактың қалай өлтіргені туралы айтылады. Сол үшін батыр Ермактың басын шауып алып, мәйітін иттерге талататыны туралы жазылған. 

Ал, енді қазақты қырған атаманның күндерін қазақтың жерінде тойлау ұлтымызға деген теріс ниетті білдіреді емес пе? Екіншіден, еліміздің құзырлы органдары ұрыс тәсілдерін үйретуге негізделген қарулы жиын өткізгені үшін ұйымдастырушыларды жауапқа тартуы керек деп санаймыз.

Алтай Сағидолда,

qazaquni.kz

7JiZELBvnyk.jpg
dCUolW7asw.jpg
gEFD7SZTopg.jpg
gOnJnYxGH7A.jpg
kgoCGLb4yjc.jpg
KLMaeb5yctQ.jpg
pXRJ7TOK6xc.jpg
qko0fHARq6I.jpg
S0bKzuC1xcs.jpg
UHx6HSpyMhg.jpg
VIBfYSSedtM.jpg
wbPyASQh_4I.jpg
YK3C1NIhonY.jpg
ZqG6jAJ3cW4.jpg

Фото: Экспресс-К

22 ПІКІРЛЕР

  1. Əскери-патриоттық жастар ұйымдарын құра бастау керек. Əскери-күзет ұйымдарын құру керек. Əр қалада, əр ауданда. Əрбір əкімдік жанынан ақсақалдар алқасы құрылып, олардың жанынан халық жасақшыларының топтары құрылу керек. Запастағы офицерлер, ішкі істер ардагерлері қатысып, мемлекет қауіпсіздігі мəселесіне немқұрайдылық көзқарастан арылатын кез келді. Қоғамдық тəртіп сақтаудан бастап ел қорғанысына дейін міндеттерді атқара алатын халықтық əскериленген құрылымдардың қажеттілігі айқын көрінуде. Казачествоның белсенділігі артқан сайын, осындай жасақтарға зəрулік бізде де арта түсуде. Украиндағы орыс казачествосы бұл елге іріткі салып, сепаратизм ұйытқысына айналғаны ешкімге жасырын емес. Украйын орыс казачествосы мен Қазақстан жеріндегі казачествоның ұйымдастырушы, реттеуші, қаржыландырушы көзі ортақ. Соғысты болдырмау үшін, соғысқа дайын болу керек. Сонда сескеніп, ойланады. Страус секілді, қауіп-қатерді көрмегенсіп, басын құмға сұққанмен – қатер жойылмайды.

  2. Бұны басшылар білмей отырған жоқ біліп отыр ғой, балық басынан шіріп жатқан соң оны айт не,айтпа не. Олар халықтың қамын ойлап отырған жоқ, өздерінің қарабастарының қамын ойлап отыр.

  3. Бір сұрақ қана мазамды алып отыр. Осы жиынды өткізуге мемлекеттік орган, нақты айтқанда, қалалық əкімдік тарапынан рұқсат берілді ме, жоқ па? Басқа сұрақ жоқ.

  4. :zhlau: казак болып қылыш асынсаң талерантност , қазақ болып бəкі ұстасаң суық қару , статия үкім шығаратын била – жила қазақия көрермен қазақ – мазақия!

  5. Осыларды құтыртып жүргендер Тоқтар Төлешов сияқты ұлтынан безгендер емес пе екен? Ол казактар және орыс қауымдастығымен тонның ішкі байындай матасыпты ғой. Ресей әскерилері мен саясткерлерімен тығыз байланыста болып, Мемлекеттік Думаның екі бірдей комитетінде эксперт қызметін атқарыпты.Ол аз десеңіз, Монакода Ресей күндерін өткізуге демеушілік жасап, ресейлік басылымдарда Қазақстанда орыс тіліне қысым жасалып жатыр деп байбалам салыпты. Мына казактарға ақшалай да, басқалай да дем беріп отырғандар сол сияқтылар, меніңше.

  6. Бұлар өйстіп жиналып жүр, ертең еркін қылышын асынып ата-бабамыздың талай елі үшін қаны төгілген біздің қасиетті жерімізде жүретін болады. Ал біздің қазекең ол уақытта нағыз қазақ болып, жұма намазға қатындардың көйлегін киген араб болып, тілін шайнаған орысқұл болып үшке бөлініп бірінің етін бірі жеп жүрмесе бопты,

  7. Қасиетті Алаш ордасы – Семей қаласында тәуелсіздіктің 25 жылында мерекені келеке еткендей қылыш асынған казактардың жиынын өткізуге кім рұқсат берді?!. (ФОТО)

  8. Ұлттық Қауіпсіздік Комитеті мен облыс пен қала әкімдері Даниал мен ЕРМАК қайда қарап отыр?

  9. Салайын тағы жырдың толғамына
    Жаратқан қуат берсе тіл-жағыма.
    Қазағым егеменді ел болдық деп
    Қуанып ед азаттық орнады да.
    Сақал қойған мұсылманды қудалайды
    Ал біреулер крест ап жүр қолдарына.
    Кімге, не деп ант беріп тұр бұл мұңдарлар,
    Заңға да бағынбайтын болғаны ма?
    Қолдарына жап-жасыл ту алыпты
    Мемлекеттің КӨК БАЙРАҒЫН қорлауы ма?
    Қазақты казак енді басынардай
    Алашым соншалықты сорлады ма?
    Қазақтың АТА ЗАҢын менсінбесе
    Қайтадан қуу керек Дондарына.
    А.Ержанов

  10. Өскемен облысынң әкімшілігі,қауыпсыздық комитеті орындарыңды босатып-сендерде *казактарға* қосылып туын көтерерсіңдер???

  11. Бұл ұлтта басқа дәстүр атаулы қалмаған ау деймін. Негізінде осындай аз қалған ұлттар ғана бір болмайтын дәстүрді жаңғыртқысы келеді. Бұлар ассимилияцияға ұшырап жоқ болып кететіін ұлттар қатарында деп айтуға болатын сияқты. Сондықтан бізде бұндайларға қарсы өзіміздің бай дәстүрімізді жаңғыртуға атсалысуымыз керек. Сол дәстүрлеріміздің бірі ұрпағымызға қазақи ертектер мен жыр дастандарды оқып беріп, санасына құя беруміз қажет. Және қазақи имани тәрбие беруімізді ұмытпауымыз жөн.

  12. Бұл енді момын Қазақ халқын таза басынғандық деп ойлаймын.Осы сияқты арам пиғылды,ұлт аралық наразылық тудыратын жиындар тек қана ШҚО-да ғана емес Қарағанды,Теміртау қалаларында жиі өткізіліп тұрады.Неге бұларға тосқауыл қойылмайды бас ал десе шаш алатын Құқық қорғау органдары,неге қару асынып алып қашанғы ойларына келгендерін істетіп қоямыз.?Еліміздің ертеңін ойлап,қамын жеген ұлт жанды азаматтарымызды Елім,Жерім,Қазақ тілім деп бас көтергендерді қудалағанда сондай, еліміздің тұтастығына қауіп төндіретін осындай казактардың еліміздегі өзге ұлт өкілдерінің ,Қазақ ұлтының наразылығын тудыратын жиындарын тоқтатылуын талап етеміз!!!

  13. Қазақтар жер ушін бейбіт шеру өткізіп еді Аян сияқты жігіттерді камап тастады. Неге сол сияқты қамап тастамайды. Семейдің акімдері елдері барлығы немене тірі өлік па ауыздарын аша алмайтынын. Біреуі барып қой дей алмайма сонда :shoshu:

  14. Құдай бiледi, олар тiпті ешкімнен рұқсат та сұрамаған шыгар.Бiзде жондi Үкімет жок екенін бiлiп болды гой олар, сосын тайраңдайды.

  15. Семей қаласының әкімi Ермак Салимовтан бастап жазага тарту керек. Бiздiн елдің басшылары қорқақ пакырлар .Соны бiлiп басынып отыр гой олар. Мұндай жағдайға еңді төзіп отыра беруге болмайды. Қазақстандағы өз ұлтымыздың азаматтары бiрiгiп карсы шыгу керек. Бiз сiздердi қолдаймыз.Ансап журсе оз Отанына кетсiн онбагандар

  16. Қоғам қайраткері, Серікболсын Əбділдаұлының кезекті пікірінде, ҚР қабылданатын басты шешімдердің барлығына дерлік елбасының келісуімен ғана орын алады деген еді. Егер бұл шара елбасының келісімімен орын алған болса, онда халқымыз қолды болғаны раста шығар. Бұл шараға берілген рұқсат қалай жүзеге асқаны өте маңызды. Басқа ұлт өкілдеріне төзімділікпен қарап, өз ұлтымызға/халқымызға қатысты ғана қатаң болып жүрміз. Өкінішті-ақ.

Пікір жазу

Пікіріңізді енгізіңіз!
мұнда сіздің атыңызды енгізіңіз