Сегіз жастағы баласын өртеген ер адам Балқаш ауруханасында қайтыс болды
2016 ж. 13 қыркүйек
1877
0
Бүгін таңғы уақытта Балқаш қаласында өзіне және сегіз жастағы баласына бензин құйып, өртеп жіберген Приозерск қаласының 49 жастағы тұрғыны қайтыс болды, - деп хабарлайды Тengrinews.kz тілшісі Қарағанды облыстық денсаулық сақтау басқармасына сілтеме жасап. Оның барлық дене мүшесі өртке оранған, ол Балқаш қаласының орталық ауруханасының жансақтау бөлімінде қайтыс болды.
"Ер адам ауруханаға бас миы қатты зақымдалған және денесінің жүз пайызы күйіп қалған күйде түсті. Ер адамды төртінші деңгейлі күйік шалған. Дәрігерлер қолынан келгенін істеді. Өкінішке қарай, ер адам бүгін қайтыс болды", - деді облыстық денсаулық сақтау басқармасының баспасөз қызметінің басшысы Айжан Иса.
Еске салайық, отбасылық жанжалдан соң Приозерск қаласының 49 жастағы тұрғыны өзіне және сегіз жастағы баласына бензин құйып, өртеп жіберген. Ол кеше медициналық мекемеге түскен, ал оның сегіз жастағы баласы алған жарақатынан көз жұмған. Сондай-ақ, Жоғарғы қабатта тұратын қыз газ иісіне уланып, қайтыс болған, ал оның анасы ресейлік авиациялық емханағв жеткізілген.
