Астана әкімдігіндегі басқарма басшысы парамен ұсталды

28 шілдеде Астана қаласы бойынша Ұлттық сыбайлас жемқорлыққа қарсы іс-әрекет департаменті кәсіпкерлерден жалпы сомасы 2,1 млн теңге пара алу (2 мәрте) кезінде елордалық әкімдіктің Жолаушылар тасымалы басқармасының басшысы Е.Н. Сүлейменов қылмыс үстінде ұсталды, - деп хабарлайды Қазақпарат.

Ұлттық бюроның баспасөз қызметінің хабарлауынша, бірінші жағдайда жасанды жолдың кедір-бұдырын  жөндеу және кәсіпкердің тізілімге жосықсыз жеткізушілерді енгізбеуі бойынша орындалған жұмыс актілеріне қол қойғаны үшін олар  делдал арқылы 1,5 млн теңге алған.

Сол күні Сүлейменов аялдама павильондарын сырлау және жуу бойынша орындалған жұмыс актілеріне қол қойғаны үшін пара түрінде тағы 600 мың теңге алған.

Әр жағдайда заңсыз сыйақы мөлшері бұрын ұтып алған мемлекеттік сатып алу конкурстарының сомасынан 10 пайыз болған.

«Ұсталған Сүлейменов Астана қаласы ІІД ҰУИ қамалды. Қазір сот алды тергеу жүргізілуде», делінген хабарламада.