ЕЛДІҢ БОЛАШАҒЫН ОЙЛАЙТЫН АДАМДАРДЫҢ ПАРТИЯСЫ

Нұрлан ӘБДІБЕК, журналист:

Изображение 001Біріншіден, «Ақ жол» кәсіпкерлікті қолдайтын партия. Яғни, кәсіпкерлікті қолдау дегеніміз – халықтың әл-ауқатын арттыру екені сөзсіз. Сонымен қатар, еліміздегі қоғамдық саяси партиялардың ішінде «Ақ жол» ел руханиятының дамуына көптеп көңіл бөлуі­мен дараланады. Мәселен, былтырғы жылы Қазақ хандығының 550 жылдығына орай Қазақстан та­рих­шылар қауымдастығымен бірлесе отырып арнайы медаль шығарып, ел зиялыларын марапаттады. Сондай-ақ, осынау атаулы күнге байланысты «Ел мен Ер» атты мүшайра ұйымдастырып, қазақ әдбеиеті мен мә­дениетінің дамуына да өзіндік үлестерін қосып келеді.

«Ақ жол» партиясы маңызды шараларды белгілі бір мерейтой қарсаңында ғана емес, жыл бойында тұрақты түрде өткізуді дәстүрге айналдырған. Бұл сөзіміздің дәлелі ретінде «ХХІ ғасырдағы Алаштың Ақ жолы» атты ұлттық байқауды айрықша атап көрсетуімізге болады.

Қазіргі таңда өзім де «Ақ жолдың» қолдаушы­ларының бірі ретінде ағайын туыс пен дос-жарандар арасында үгіт-насихат жұмыстарын жүргізіп жатқан жайым бар. Егер де сіз еліміздің болашағын ойлайтын болсаңыз, онда «Ақ жолға» дауыс беріңіз! Өйткені, «Ақ жол» елдің болашағын ойлайтын адамдардың партиясы!

Дайындаған Гүлмира Садық

Материалдың жариялану ақысы "Ақ жол" партиясының сайлау қорынан төленді

qazaquni.kz