Қайрат НҰРТАС жат тілге мұқтаж емес!

Ғаламторда Adam Xazar дей­тін атын жасырған дүмбілез бір­еу менің қандас бауырым Қай­рат Нұртасты «Мәмбет» деп атапты... «Орысша екі сөздің басын құ­рай алмаса да, Муз ТВ жүл­де­сіне лайық деп танылған кол­­хозшы Қайрат Нұртас Омбыны қазақтың қа­ла­сы дейді. Бұл мәмбет Ресей қала салып жатқанда, өзі­нің ата-бабасы ен далада қой бағып, қала салу ойында мүл­де болмағанын білсе ғой…», - деп жазыпты Adam Xazar деген дүмше... Рас, өткен жылы Омбы қала­сында өткізген концерті кезінде Қайрат Омбыны қазақтардың қаласы деп атады. Иә, Қайрат дұрыс айтады, Омбы – қазақтың жері болған және болып қалады да, мұны тарих дәлелдеген.  Кейбіреу­лер «Мәмбет» сөзінің Мұхаммед Пайғамбардың (с.ғ.с) есімдерінің бірі екенін ескертуде. Мұндайда қазақ: «Өлетін бала – молға қарай қашады» дейді... Ал, әлгі сандалбай Adam Xa­z­ar­дың жасырын атпен пікір жаз­ғанының өзі - оның ата-баба­сы­ның да, өзінің де қазаққа тура сөз айта алмайтын сужүрек екендігін дәлелдейді... Мұхтар Шаханов ағамыздың бірде: «Тіл, ұлт мүддесі төңіре­гін­дегі мәселелерге немқұрайды қарайтын азаматтарды – қазақ деп есептемеймін!» – дегені бар еді. Ал, Қайрат НҰРТАС – нағыз Қазақ! Ана тілінің уызын қанып ішкен рухты қазақ!.. Сондықтан, Қайрат НҰРТАС орыс тіліне мұқтаж емес!

Қажымұқан ҒАБДОЛЛА, 

«Қазақ Елі» халықтық қозғалысының төрағасы