Қостанай облысының әкімі халықтың мұң-мұқтажын елемей ме?!.

Еске сала кетейік, ақпан айында ұйқылы ауыл Калачиде оқитын Әйгерім Ысмайылова Қостанай облысының әкімі Нұралы Сәдуақасовтың блогына хат жазып, өз отбасының Қостанайға көшіп келуіне көмектесуін айтқан болатын.

Алайда, облыс әкімі оқушының өтінішін орындаудан бас тартты. "Сәлеметсіз бе, Әйгерім Аманжолқызы. Бұқаралық ақпарат құралдарынан біз Калачи ауылынлағы белгісіз ұйқы ауруы туралы естіп, біліп жатырмыз. Ақмола облысының әкімі Сергей Кулагин мамыр айында "ұйқылы" ауылдан барлық тұрғындардың көшірілетінін айтты", - деп жазады әкім өз хатында. Сәдуақасов көршілес Ақмола облысының әкімі бұл мәселені шешуде оң істер атқарып жатқанын айтқан. "Өкінішке қарай, біздің облыстың бюджетінде Қазақстандағы ішкі мигранттардың көшуіне қаржы қарастырылмаған. Сондықтан, сіздің отбасыңыздың біздің облысқа көшіп, пәтер сатып алуы және жұмыс табуы туралы мәселені сіздің отбасыңыз өзі шешсін", - деген әкім оқушы қызға жазған хатында. Еске сала кетейік, Ақмола облысындағы Калачи ауылында тұрғындар белгісіз жағдайда ұйқыға кетіп жатыр.