Бір сәтте»есеңгіретерлік» девальвацияға жол берілмейді

1
1146

Қазақстанның ұлттық банкі теңге бағамының АҚШ долларына қатысты ауытқу дәлізін сақтайды, капиталдың сыртқы нарығындағы өзгерістер болған жағдайда бір сәттік девальвацияға жол бермейді.

Ұлттық банк бір сәтте

Бұл туралы Ұлттық банкінің төрағасы Қайрат Келімбетов журналистерге мемлекет басшысы Нұрсұлтан Назарбаевтың төрағалығымен өткен үкіметінің кеңейтілген құрамдағы отырысынан кейін мәлімдеді деп хабарлайды Қазақстан жаңалықтары.

Үкімет отырысында елбасы Ұлттық банктің алдына бірқатар міндеттер қойды, олардың ішінде ұлттық валюта бағамының күрт ауытқуына жол бермеуді тапсырды.

«Біз ағымдағы валюталық дәліз саясатын жалғастырамыз. Қолданыстағы макроэкономикалық жағдай оған сай келеді. Егер капиталдың сыртқы нарығында өзгерістер орын алса, онда сәйкесінше біз бір сәтте «есеңгіретерлік» девальвацияға жол бермейміз. Бірқалыпты әрі икемді айырбас курсы аясында жұмыс істейтін боламыз», – деді ол.

Сонымен қатар Ұлттық банкінің төрағасы жақында үкімет пен Ұлттық банк Қазақстан экономикасын долларсыздану жоспарын бекітетінін айтты деп хабарлайды Қазақпарат.

«Сәйкесінше жоспар қабылдау болжануда. Онда ең алдымен нормативтік-құқықтық базаға, төлемдер туралы, валюталық реттеу туралы заңдарға өзгертулер енгізілетін болады. Банкаралық айырбас пунктерінің қызметі қатаңдатылады, сонымен қатар валюталық заңнама реттеледі», – деді ол.

Сондай-ақ Келімбетовтің атап өтуінше, Ұлттық банк квазимемлекеттік сектор компанияларымен бірлесіп, депозиттердің қандай да бір валютадағы мақсаттылығы туралы мәселені қарастыру үстінде.

Источник: NUR.KZ

1 Пікір

  1. Девальвацияға жол берілмегенмен, ішкі базардың теңгелік нарқы өсіп тұр емес пе? Мәселен, жекекәсіпкерлерді бақылайтын ешкім жоқ, олар жалшы жұрттың желкесіне шығып алған.Кезінде мемлекеттік жылжымайтын мүліктердің барлығын билік басындағылар өздерінің пайдасына қарай тиын -тебенге «сатып алғансып» , енді жекекәсіпкер болып алып,сол ғимараттардың әр бөлмесін бәлен мыңнан сауда жасағысы келген елге беріп, олар еңбек етіп тапқан теңгесін осы жекекәсіпкерлердің қалтасын толтыруымен шектеліп, балалары да, өздері де жарымай жүр!?.. Қ.Р. да Жекекәспкерлер төрағасы Абылай Мырзахметов болғаны біздің ОҚО ның бағы ма, әлде соры ма?Себебі, облыс әкімі Асқар Мырзахметов осы жуан басшының туған бауыры ғой?!
    Шағын несиенің тоқсан пайызын кілең монополистер елдің сыртынан құжат туралап, арам малдарын кепілге қойып алып алды. Елдің көбі Елбасымыздың бергеніне қолы жетпей келеді?! «Өкімет басшысы мен облыс әкімі құда болыпты» құтты болсын! Бірақ, бұндай биліктен елге зиян келері анық , сондықтан, облыс әкімі Асқар мырза қызметінен кетуі тиіс!

Пікір жазу

Пікіріңізді енгізіңіз!
мұнда сіздің атыңызды енгізіңіз