«Шала қазақтың» шығуы өзіміздің шалалығымыздан

1
1187

«Намыс» порталы қазақша білмейтіндерге «шала қазақ» деген төлқұжат беруді ұсынып, тыңнан түрен тартқысы келіпті. Сөйтіп, бір Алаштың арасынан нағыз қазақтарды анықтап алуымыз қажет деген пікір білдіреді.

Ата-бабаларымыз сіңбелерді немесе тілінен безгендерді шала қазақ деп атағанын алға тарта отырып: «Тіпті олар арнайы куәлік берген. Атақшы шежіреші-тарихшы Құрбанғали Халид: «Шала қазақтыққа берілетін менің алдымда бір куәлік жатыр. 1834 жылы ұлты дегенге «шала қазақ» деп жазыпты. 2691 нөмірлі. Бұл Шах Әзім деген кісіге берілген екен. 1885 жылы 99 жасында қайтыс болды» деп жазады («Тауарих хамса» Алматы. «Қазақстан», 1992. 155-бет)» деген тарихымыздан нақты дерек те келтіріпті.
Әрине, авторды түсінуге болады. Қазақ тіліміздің толықтай қолданысқа кіруі тым кешеуілдеп кеткені қатты алаңдататыны көрініп тұр. Бірақ, біз «шала қазақ» деп олардың маңдайына мөр басқаннан не ұтамыз? Онсыз да саны өспей жатқан өз қазағымызды өзектен тепсек, өзгелер бізге не істемейді? Ертең оларға өз алдарыңа жеке «шала қазақ» партиясын құрыңдар деп кеңес беретіндер де табылуы ғажап емес. Тіпті бір аймақты иемденіп, «Шала қазақ демократиялық республикасы» деген дербес мемлекет болыңдар деп үгіт жүргізуі мүмкін. Басымыз енді қосылып, егемендікке әзер қол жеткізгенде жетер жеріміз осы болғаны ма? Онсыз да жүзге, руға бөліп, Алашты алауыз еткісі келетіндер жетіп-артылады. «Бөлінгенді бөрі жейді» деген қазақ атамыз, сондықтан бұл ұсынысты ұмытқанымыз жөн. Ал шала қазақтардың шығуына өзіміз кінәліміз, тілімізді дамыту бағытында дұрыс, нәтижелі жұмыс жүргізе алмай отырмыз. Дұрысы, қазақ тілін дамытудың ұтымды әдістерін ұсынып, нақты жұмыстармен айналысу керек.

                      Сайлау МОЛДАҒАЛИҰЛЫ

1 Пікір

  1. Когда Я закончил в СССР Казахскую школу ,если Я не сдал бы экзамены по русскому языку или русской литературе в казахской школе ,мне не выдали бы Аттестат об окончаний Казахской школы в КАЗАХСТАНЕ ,Русский язык был государственным языком в СССР. Это было обычной внутр иной политикой государства СССР. В результате Все даже старые АЖЕ АТА все свободно разговаривает на русском языке . А вот русско язычное население КАЗАХСТАНА ,совсем не хотят даже переходить на государственный язык ,хотя почти 98% родились и живут здесь в КАЗАХСТАНЕ ,В этом МЫ сами виноваты ,нет конкретного требование ,и не требуем ,легче переходить на их язык разговора. В Узбекистане ,Туркмении ,Киргизии ,Таджикистане вопрос о языке совсем другое.Там все разговаривает на ихнем языке ,это абсолютно нормально.В основном МОЛОДЕЖЬ разговаривает на русском языке, у этих людей характер даже становится «славянским» НО это дело попровимо и не опоздали еще. АЛГА КАЗАХСТАН.

Пікір жазу

Пікіріңізді енгізіңіз!
мұнда сіздің атыңызды енгізіңіз