Полицейлер тұрғындарға малына GPS тағып қоюға кеңес берді

0
1550

Шығыс Қазақстан облысында барымташылар қолға түсті. Елуден асқан екі азамат жайылымдағы жылқылар мен ірі қараны айдап әкетіп отырған деп хабарлайды КТК арнасы.

ШҚО-да полицейлер тұрғындарға малына GPS тағып қоюға кеңес берді

Ал қолды болған малды бірден Қарағанды облысындағы сыбайласына өткізіп келіпті. Олар аз уақыт ішінде 20-дан аса сиырмен жылқыдан 5 млн теңге пайда тапқан.

Қазір олар қамауға алынып, іс тергелуде. Ал полицейлер мал иелеріне ерекше кеңес беріп отыр. Себебі жоғалған сиыр-жылқылар көбіне еркін жайылымда жүреді. Сондықтан малға GPS -навигатор тағып, үйден шықпай-ақ төрт түлігін бақылап отырса болады дейді тәртіп сақшылары.

«Шаруалардың көбі бақташы ұстамайды. Солай үнемдегісі келеді. Ал GPS-ті қолдану арзан болмаса да, тиімділігі жоғары. Малының нақты қай жерде жүргенін біліп отырады», – дейді Семей қалалық ІІБ жедел уәкілі Асхат Тықанов.

Сондай-ақ полицейлер егер сақтық шараларын танытпаса, барымташылық тыйылмайтынын атап өтті.

Источник: КТК

Пікір жазу

Пікіріңізді енгізіңіз!
мұнда сіздің атыңызды енгізіңіз