БАС БАНКИР ТАҒЫ ДА БАСУ АЙТТЫ

3
1917

Бас банкирдің айтуынша биыл теңге жыл бойы тұрақты болады. Қаржы саласына бірден тұтастай бір жылға болжам жасаған Қайрат Келімбетов өзіне де, сөзіне де сенімді.

Әлемдегі экономикалық жағдайдың шиеленісуіне қарамастан Ұлттық банктің мәліметтері оптимизмге толы. Ол Ұлттық қорға жиналған 100 миллиард долларға сеніп отырған сияқты. Яғни теңге бағамын тұрақты ұстап тұруға бұл қаржы жеткілікті екен. Ал дүниежүзілік дағдарыстың қанша жылға созылатынын ол біле ме екен? Келімбетов негізсіз таратылған өсекке сене бермей, тыныш ұйықтаған жөн деп кеңес беріп отыр. «Аузыңа – май, астыңа – тай» дейін десек, былтыр оңбай күйген ауыз жібермейді.
– 2015 жылы теңге бағамының өзгеруіне жол бермейміз. Бірақ, ұлттық валютаның жағдайы Ресей рублінен гөрі, мұнай бағасына байланысты. Десек те, қара алтын құны қатты түскеннің өзінде де, кез келген тосын жәйтке әзірміз. Барлығын есептеп қойдық, – деді былтыр дәп осындай есептен «екі» деген баға алған бас банкир.

 

Зейнолла АБАЖАН

3 ПІКІРЛЕР

  1. Менің зерттеуімше, мына төменгі техникалық қызметкерлердің еңбекақысы әлі дұрыс шешілмей келеді. Мәселен, еден жуушы ана былай дейді: «Біздің еңбекақымыз бұрын бұлай төленбейтін еді. Қазір мектеп (ремонтына ) жөндеу: ақтап, сырлау үшін қосымша жалақы төлемей, тек айлықтан асық ақша жазбайтын болды,бұл қалай болды сонда?» дегенін естіп, Сіздерге сұрап ретінде тастап отырмын. Бұған Қайрат Келімбетов қалай жауап берер екен? Сонда : еден жуушы 20 мың теңге үшін әрі еден жуып, әрі мектептің барлық бөлмесін ақтап, сырлап,терезелерін тазалап шығуы сияқты т.б жұмыстары үшін – тек еңбекақымен шектеліп қалуы—қаншалықта әділет таразысындағы есеп болмақ?
    Мен министлердің талайын көргем, бірақ төменгі буынның еңбекақысынан жоғарғы юуынға дейін саралап қарап есеп темейтін осындай министрлерден қорқамын!

  2. Осы Бурабай ауданының жалақысы 40 мың теңгеден аспайды. Аудан әкімі ауыса береді. Жол жатыр. Осыған жауап беретін кім бар?Ю

  3. 22 жылда құнын 1000 еседен аса жоғатқан валюта, ол теңге?!

    Міне мендегі мұрағатта ҚР КМ 1993 жылдың 12 қарашасындағы №1121 қаулысына сәйкес Шымкент мұнай өңдеу зауыты директорының (Серік Асылбековтің (марқұм) 15 қараша 1993 жылғы №119 өкімімен мұнай өнімдері бағасы былай белгіленіпті:
    1) Автобензин 1 тоннасы 5 пайыздық жол қоры, және оған 20 пайыздық ҚҚС (НДС) қосқанда = 257 теңге 18 тиынды, ал 1 литрі = 19 тиынды құрапты.
    2) Дизель отыны болса, жоғарыдағы қосымша салықтарды қосқанда 1 тоннасы = 221 теңге 56 тиынды, ал 1 литрі = 17,5 тиынды құраған.
    Мына қызықты қараңыз. Сол 1993 жылдың 15 қарашасындағы бағамен 1 вагоноцистерна (53 тонна) бензинді бар болғаны 13 630 теңге 54 тиынға сатып алуға болтын еді.
    Теңгенің 22 жыл бойғы құлдырауын бүгінгі бағамен салыстырсаңыз, мемлекет басқарып отырғандардың біліктілігі мен кәсіпқойлықтарының неге тұратынын дәлірек бағалауға болады…
    Міне көріп отырғанымыздай 22 жыл бойы Қазақстандағы инфляция деңгейі мұнай өнімдері бағасына тікелей байланысты болып келеді. Яғни бұл Қазақстанның жауапсыз өкіметі мен қалталық парламентінің азусыздығынан қымбатшылықтың бәрі де қолдан жасалынып отыр деген сөз.?!
    Мұнай кеніштері мен басқада маңызды нысандарды жекелендіру науқаны кезінде халықты былай ысырып қойып, сыбайластық жемқорлықпен пысықайлар жекелендіріп алды. Тіптен олар Қазақстандағы зауыттарға шикізат бергісі келсе береді. Бермесе мұнай шикізатының әлемдік бағасы қымбат кезде экспортқа айдап, сұмдық пайда тауып шетінен милиардер болып (шетелдік «теңгемен») алды. Халық оны да біледі. Бірақ әлі де шыдап отыр. Бұлар үкіметпен бірлесіп, соның қаулысымен зауыттарды мұнай шикізатын өздігінен сатып алып өңдей алмайтын қылған. Ал зауыт өзі сатып алып өңдесе сата алмайды. Өкімет қаулысымен солай етіп қойылған. Зауыттар мұнай шикізатының қожайындарына мұнайды өңдеп берген қызметі үшін ғана ақы алып отыр…
    Бұл жаңа байшікештер мен олармен сыбайлас Қазақстан үкіметі үшін теңгенің арзан болғаны, ал доллар мен евроның қымбат болғаны өте тиімді. Себебі қымбат валютаға арзан теңгені сатып алып, мемлекетке төлейтін салықты да, Қазақстандық жұмысшылар мен қызметкерлерге жалақы – айлықтарын теңгемен төлейді. Тіптен бюджетті де жабу олар үшін оңайға түседі. Ал шетелдіктер мен «пысықайлар» айлықты валютамен алады. Осылайша мұнай мен мұнай өнімдері краннигінде отырғандар баю үстіне байи берсе, ал халық керісінше кедейлене түседі…
    Бұл мырзалар мұнайдың әлемдік бағасы өссе, бензин мен дизель отыны бағасын «ойбай әлемдік баға өсті!» – деп қымбаттата салады. Ал енді қазір мұнай шикізатының бағасы 3 есе түсті, бірақ бұлардың бензинді арзандатқылары жоқ. Туа біткен ашкөз сараңдықтары жібермей отыр…
    Ресей бензин бағасын арзандатып еді, бұлар «шекараны жап!» – деп азарда – безер болуда. Кезінде ешбір негізсіз қымбаттатқан бензин бағасынан, яғни жетіп алған позицияларынан қатып ұстап айырғылары жоқ.
    Қазір Қазақстан билігіне біріншіден кедендік бекеттерді қалпына келтіріп, түрлі салық түрлерімен ресейлік арзандалған тауарларға тосқауыл қою мәселесі тұр. Ал екінші жол, ол Қазақстандық өзіндік құн калькуляциясы негізінде бұрыннан бензин бағасына тәуелді болып келген бағаны тез арада түсіру қажеттігі тұр.
    Ал доллардың бағасын 200 теңгеден жоғары көтереміз деу апатты жағдайларға әкеледі. Оның соңы ашынған халықты міндетті түрде жаппай стихиялық толқуларға, түптің түбінде жауларымыздың көптен күткен революциясына әкеледі. Мұны «ИГИЛ» де, басқа да еліміздің жаулары алақанын ысып күтіп отыр…

Пікір жазу

Пікіріңізді енгізіңіз!
мұнда сіздің атыңызды енгізіңіз