ШҚО әкімі 97-жастағы қарияға iPad сыйға тартты

2
2106

ШҚО әкімі Даниал Ахметов президент атынан облыста тұратын Ұлы Отан соғысы ардагерлерін келе жатқан жаңа жылмен құттықтап, оларға iPad планшетін табыс етті.

ШҚО әкімі 97-жастағы қарияға iPad сыйға тартты

Жеңістің 70 жылдығы қарсаңында Қазақстан ҰОС ардагерлерін құттықтауды бастап та кетті. Республиканың барлық өңір басшылары ардагерлерді аралап, оларға мемлекет басшысы Нұрсұлтан Назарбаевтың атынан жаңажылдық сыйлықтар табыстайды.

Шығыс Қазақстанда өңір басшысы Даниал Ахметов облыс орталығындағы ардагерлер үйлеріне барып, елбасы құттықтауы мен президент жайлы кітапты, жаңа жылдық сый-сыяпатпен толтырылған себет және соңғы үлгідегі iPad планшетін тарту етті.

Облыс әкімі бірінші Қабду Қарменовтің үйіне барды. Ардагер 97 жаста, ал зайыбы Зәкен Саханова 94 жаста. Олар қонақтарға соғыс жылдарындағы ауыр кезеңді әңгімелеп берді. Олар 10 бала өсіріп, тәрбиелеген. Қазір 22 немере мен 4 шөбере сүйіп отыр.

Ардагерлер елбасына өздерін үнемі назарында ұстайтындығы үшін алғыс сезімдерін білдірді.

«Мемлекет қамқорлығын үнемі сезініп келеміз. Бір ту астында көп ұлтты өкілдердің жұмыла өмір сүруіне ықпалы зор елбасымыз елдің гүлденуі, игілігі үшін көп нәрсе жасады. Бүгінгі құттықтауына да ерекше ризамыз», – деп ардагерлердің бірі Дмитрий Москальцов.

Источник: ИА «Казинформ»

2 ПІКІРЛЕР

  1. Казак Унi! Келе жаткан Жана жылдарынызбен сiздердiн ужымга зор денсаулык мол бакыт отбасына береке бiрлiк тiлеймiн !Бiз окырмандарыныз аркашан ciздермен бiргемиз

  2. Соғыстың соңғы «могикандарына» қандай сый-сыяпат көрсетсе де көптік етпейді. Қабду Қарменовтің 36 ұрпақтары үбірлі-шүбірлі болып көбейе берсін. Ақсақалдың көзі тірісінде балалары мен немерелері шөпшек, шөбелек, неменелерді көрсетсін

Пікір жазу

Пікіріңізді енгізіңіз!
мұнда сіздің атыңызды енгізіңіз