ЖЫЛ АДАМЫ – 2014

29
5903

«Қазақ үні» газетінің «Жыл адамдары» анықталды

 

«Қазақ үні» газеті мен «qazaquni.kz» cайтының 2014 жылғы Жыл адамдары анықталды. Бірнеше номинация бойынша Жыл адамдарын 2014 жылғы 22 қараша мен 22 желтоқсан аралығындағы қоңырау шалу, смс, электронды пошта арқылы және «qazaquni.kz» cайтындағы Сіздердің ұсыныс-пікірлеріңіз арқылы сарапшылар алқасы анықтады. Әрине, газет сайтындағы мыңдаған оқырманның жүздеген ұсыныстары, яғни, көпшілік қауымның таңдауы басты рөл атқарғанын айтуға тиіспіз. «Қазақ үні» газеті мен «qazaquni.kz» cайты Жыл адамдарын жаңа жылдарымен құттықтай отырып, оларға келер жылы да келелі табыс тілейді! Сонымен, «Қазақ үні» газетінің 2014 жылғы Жыл адамдарымен таныс болыңыздар!

Жыл қайраткері – Қазақстанның халық жазушысы Мұхтар Шаханов. Қоғамдағы кө­кей­тесті ұлттық, әлеу­меттік мәселелерді баса көтеріп, мемле­кеттік тіліміздің қолданыс аясының кеңеюіне атсалысты.

Жыл саясаткері – Азат Перуашев. «Ақ жол» партия­сының жетекшісі ретінде Алаш арыс­тарының ұлттық идеяларын дамытуда бірқатар игілікті шаралар атқарды.

Жыл министрі – Тамара Дүйсенова. Халық денсау­лығын сақтау мен әлеуметтік қызмет көрсету және мем­лекеттік бағдар­ламаларды («100 мектеп, 100 аурухана») да­мыту барысында бір­қатар шараларды атқарды.

Жыл әкімі – Қырымбек Көшербаев. Аймақтағы тұр­ғын­дардың әлеу­мет­тік-экономи­калық жағдайын жақсартуда ерекше көзге түсті.

Жыл ғалымы – Халықаралық жоғары мектеп ғылым академиясының құрметті академигі Тұрсынбек Кәкішев. Ғалымның қазақ әдебиетіндегі сын жанрын жүйелеп зерттеудегі ерен ең­бегі қазақ әдебиет­тану ғылымының тарихында айрықша орын алады. Сонымен қатар, белгілі әдебиет майталмандары – С.Мұқанов, С.Сейфуллин, М.Жұмабаевтардың қоғамдық істері мен шығармашылық әдеби мұрасын ғылыми айналымға түсіргендердің бірі.

Жыл сенаторы – Нұрлан Оразалин. Мемлекеттік БАҚ қызметкерлері мен әдебиет, өнер саласындағы дарынды жастар үшін қызметтік тұрғын үй салу мәселесін көтерді.

Жыл депутаты – Дариға Назарбаева. Вице-спикер ҚР Білім және ғылым министрлігін аяусыз сынап жүргені белгілі. Депутат халықтың мұң-мұқтажын жиі көтеретіндіктен басқа әріптестерінен оқ бойы озық шықты.

Жыл жазушысы –Халықаралық «Алаш» сыйлығының лауреаты Софы Сматаев. «Мұңлы ойлар» кітабында қоғам­да белең алған келеңсіздіктерге қабырғасы қайысып, тұңғиық ойға батады, мұң кешеді. Ағы­нан ақтарылып, оқыр­ма­нына бүкпесіз сыр ағытады.

Жыл драматургі –Думан Рамазан. «Кенесары-Күнім­жан» атты тарихи драмасында қазақтың соңғы ханы Кене­сарының ой-арманын бүгінгі ұрпақтың бойына сахна тілімен сіңіріп береді.

Жыл режиссері – Рүстем Әбдірашев. Президент туралы «Тығырықтан жол тапқан» атты фильмнің режиссері.Бұл кино-туынды «Елбасы жолы» киноэпопеясының логикалық жалғасы болып табылады. Жаңа картина Мемлекет басшысы партком хатшысы болып сайланып, үлкен саясатқа енді араласа бастаған 1971 мен 1977 жылдар аралығын қамтиды.

Жыл сазгері – ҚР еңбек сіңірген қайраткері Кеңес Дүйсекеев. Терең де мағыналы шығармалары арқылы өз тыңдарманының шабытын оятып, ерекше әсер қалдырады.

Жыл әртістері – Омар Қиқымов, Жұлдыз Маханова . Отандық «Сырғалым» телехи­каясы қарапайым қазақ отбасының күнделікті тыныс-тіршілігін баяндау арқылы кенже қалып бара жатқан ұлттық тәрбиеге ден қояды.

                                                          ОМАР ҚИҚЫМОВ

                                                         ЖҰЛДЫЗ МАХАНОВА

Жыл әншісі –Жанар Дұғалова. Татарстанның Қазан қаласында өт­кен халықаралық «Түрквижн – 2014» ән байқауында бірінші орынды иеленді.

Жыл ректоры –Профессор Месут Ақгүл. Сүлеймен Демирель атындағы қазақ-түрік университетін ашып, оны басқару арқылы қазақ-түрік ағайындардың арасындағы бауыр­ластық қарым-қатынасты нығайтуға атсалысты. Сондай-ақ, қазақ жастарының сапалы білім алып бәсекеге қабілетті маман атануына септігін тигізіп келеді.

Жыл кәсіпкері – Серік Мерғалиев. «ПСП СЕРИК» ЖШС бас директоры, кәсіпкерлік пен өндіріс саласы бойынша Батыс Қазақстан облысының дамуына елеулі үлес қосты. Сондай-ақ, тұңғыш рет батыс өңірінен «ТДК-42» атты тәуелсіз телеарна ашқан.

Жыл меценаты – «Алтын қыран» Халықаралық қайырымдылық қорының басқарушысы Исламбек Салжан. Әйгілі жазушы Әбдіжәміл Нұрпейі­совтің «Қан мен тер» (Вlооd and Sweat) және «Соңғы парыз» (Final respects) атты қос романының ағылшын тілінде шығуына жәрдемдесті. Сондай-ақ қазақ еліндегі көптеген рухани шараларға зор демеушілік көрсетіп келеді.


Жыл спортшылары – Илья Ильин, Геннадий Головкин, Жасұлан Қыдырбаев. Спорттағы үздік жетістіктері арқылы қазақ елінің даңқын асырды.

                                                                    ИЛЬЯ ИЛЬИН

                                                                     ГЕННАДИЙ ГОЛОВКИН

                                                                  ЖАСҰЛАН ҚЫДЫРБАЕВ

Жыл тағайындауы – Бердібек Сапарбаев, Иманғали Тасмағамбетов. Б.Сапарбаев – ҚР Премьер-ми­нистрінің орынбасары. И.Тасмағам­бетов Қазақстан Республикасы Қорғаныс министрі.

                                                                         БЕРДІБЕК САПАРБАЕВ

                                                                      ИМАНҒАЛИ ТАСМАҒАМБЕТОВ

Жылдың әдеби жетістігі – ҚР Мемлекет сыйлығының лау­реаты Дулат Исабе­ковтің Лондон сахнасында алғаш рет «Өкпек жолаушы» пьесасы қойылды. Ұлықбек Есдәулеттің Қытай Халық Республикасы мен Моңғолия елінде жыр жинақтары жарық көрді. Халықаралық «Алаш» сыйлығының лауреаты Қазыбек Иса Ресейдің талантты сыншыларының талабынан шығып, Қазақстанда тұңғыш рет Халықаралық С.Есенин атындағы сыйлық – «Алтын күз» ордені иегері атанды.

dulat

                                                           ДУЛАТ ИСАБЕКОВ

                                                         ҰЛЫҚБЕК ЕСДӘУЛЕТ

                                                                 ҚАЗЫБЕК ИСА

Жылдың басты оқиғасы–2014 жылдың 29 мамырында Еура­зиялық Одаққа қол қойылды.

29 ПІКІРЛЕР

  1. Жылдың басты оқиғасы Евразодаққа кіру.Осы жөнінде Расул мырзаның айтқандары әділ.= http://exclusive.kz/politika/26153.. …. Первой жертвой путинского реваншизма, под предлогом защиты русскоязычных, стала Грузия в 2008 году,потерявшая Абхазию и Южную Осетию..С 1 января 2010 года введен Таможенный союз, в котором 92 процента Единого таможенного кодекса ТС сформирована на основе высоких российских пошлин. Решения в наднациональном органе — Таможенной комиссии принимаются большинством голосов, с распределением голосов Москве – 56%, Астане с Минском — по 22%. Во главе Комиссии – бывший вице-премьер РФ Виктор Христенко, 80% процентов штата Комиссии россияне….. За 5 лет деятельности ТС произошло снижение уровня торговли. Казахстанский экспорт в Россию и Беларусь сократилось двухкратно. ..Многие казахстанские субъекты МСБ обанкротились. 3-миллионная армия «самозанятых граждан» из-за ограничений торгового режима в ТС лишились источника заработка…. Обещанное совместное вступление в ВТО тоже игнорируется — в 2012 году Россия самостоятельно вступает в эту организацию… Происходит одностроннее беспрепятственное проникновение российских товаров, компаний и банков на рынки Казахстана и Беларуси. Для казахстанских товаров преграда создается всевозможными уловками, начиная от губернскими требованиями, запретами со стороны Роспотребнадзора. Путин поручает еще сильнее форсировать дальнейший процесс интеграции с помощью Федеральнй службы безопасности РФ — наследницу некогда грозного КГБ СССР… Российские политики прямо заявляют о необходимости учреждения общего парламента, единых валюты, системы ПРО и в целом общего оборонного пространства, предлагают единого учебника истории для школьников…. В новай военной доктрине РФ предусмотрена защита русскоязычных граждан в соседних государствах с помощью армии Российской Федерации.. На фоне таких угрожающих сигналов с 01 января 2015 года вступает в силу ЕАЭС….После заключения договора, официальные представители РФ заявили, что задачи создания единого парламента, единой валюты будут и впредь продвигаться в рамках ЕАЭС,которые для казахстанцев синонимами Российской империи. .К ним добавьте семь военных баз России в Казахстане… ЕАЭС построен на принципах СССР, исповедовавшего культ насилия, страха и вероломства. Недооценивать роль ЕАЭС, полагаясь лишь на счастливое стечение обстоятельств, нельзя. Свидетельством тому является трагедия Украины… Жизнь в Казахстане после 1 января 2015 года продолжится, но уже на качественно новом уровне. Расул Жұмалы

  2. Бұл азаматтармен азаматшалардың қай қайсысыда еңбектері бар,менде қосыламын. Ал Мұқтар секілді ағаларға мәңгілік жыл адамы десе де артық болмас.Алла қуат берсін ағамызға.

  3. Мұса Русланның, Мұхтар Шахановты жүз жылда бір туар азамат деген пікіріне қосыламын.Рузаның қаралы жыл деген пікіріне де қосыламын

  4. Құтты болсын, бәріне,
    Ілінбей ешкім зәріне…
    Иманғали шықты ғой,
    Қорғаныстың төріне,
    Ол да кетіп жүрмесін,
    Елдің кеткен жеріне!..
    Құдай сақтасын!

  5. Руза әбден дұрыс айтасыз.Жылдың басты қаралы оқиғасы,егемендігімізді бес тиынғада бағаламай, бодандыққа қайта кіруіміз.Ең қынжылтатыны осы сатқын биліктің саясатының арқасында болашақта бізде сатқын болып көрінуімізде.Ақталуымыз екі талай.

  6. Қазақстаннан биыл бірінші рет халықаралық Есенин орденін алған Қазыбек Иса “Жыл ақыны” ретінде ең көп дауыс жинапты. Неге ол Жыл ақыны атанбаған? Комменттердің дауыс санына қараймыз деп еді ғой…
    Неге???????????

  7. Мұхтар Шаханов жыл емес , ғасыр адамы 21 деген атқа лайық. Олай дейтінім ұлт үшін өз ана тілінен айырылудан асқан қасырет , қайғы болуы мүмкін емес. Сол қауіпті сезініп , өзінің ұлтын өз ұясындағы балапандарын жыланнан қорғаған самұрық құстай шырылдаған адал адам – осы Мұхтар Шаханов. Тек бір өкініштісі қараңғы қазақ көгіне күн болғанмен , күн мен айды , түнмен күннің ара жігін ажыратып жатқандар кем де кем. «Соқыр тауыққа бәрі де тары » -деген заман тудыма , әлде…………..

  8. Қазақстаннан биыл бірінші рет халықаралық Есенин орденін алған Қазыбек Иса “Жыл ақыны” ретінде ең көп дауыс жинапты. Неге ол Жыл ақыны атанбаған? Комменттердің дауыс санына қараймыз деп еді ғой…

  9. «Жылдың әдеби жетістігі – ҚР Мемлекет сыйлығының лау­реаты Дулат Исабе­ковтің Лондон сахнасында алғаш рет «Өкпек жолаушы» пьесасы қойылды. Ұлықбек Есдәулеттің Қытай Халық Республикасы мен Моңғолия елінде жыр жинақтары жарық көрді. Халықаралық «Алаш» сыйлығының лауреаты Қазыбек Иса Ресейдің талантты сыншыларының талабынан шығып, Қазақстаннан тұңғыш рет Халықаралық С.Есенин атындағы «Алтын күз» ордені иегері атанды.» Бұл дұрыс бастама екен. Тек мәдени, өнер жетістіктерін де осылай іріктеп атай кету керек еді.

  10. Жыл қайраткері – Қазақстанның халық жазушысы Мұхтар Шаханов. Жыл саясаткері – Азат Перуашев, Жыл министрі – Тамара Дүйсенова.Жыл әкімі – Қырымбек Көшербаев.Жыл ғалымы – Халықаралық жоғары мектеп ғылым академиясының құрметті академигі Тұрсынбек Кәкішев және тб бәрі лайықтылар.

Пікір жазу

Пікіріңізді енгізіңіз!
мұнда сіздің атыңызды енгізіңіз