ОҚУЛЫҚТАҒЫ ЕКІ АҚЫННЫҢ ҚАЙСЫСЫ «ҰРЫ», МИНИСТР МЫРЗА?

21
17261

Екінші сынып оқушысына   оқулық авторлары мұны қалай түсіндірмек?

       Астана қаласындағы №66 мектеп-лицейдің 2 «в» сынып оқушысы Әмина Жарылқасын 2 сыныпқа арналған «ӨЗІН-ӨЗІ ТАНУ»оқулығы бойынша ҚР Білім және ғылым министріне хат жазып отыр?

Алдымен басынан бастайық. Үйдегі көптеген газет-журналдарды ақтарып отырып, талай қателерді тауып алып, «неге мынау қате жазылған» деп, кейде әкесін де қызартып қоятын Әмина қызымыз кеше тіпті тығырыққа тіреді. Екінші сыныпқа арналған «Өзін-өзі тану» оқулығын парақтап отырып,  бір мәтіндегі екі өлеңнің мәтіндері бір, бірақ авторлары екі бөлек екенін байқап қойған ол маған: «Көке, мына екі өлеңнің авторлары неге екі бөлек те, мәтіндері бір?»-дегені. Қолындағы оқулықты алып қарасам, шынында солай екен. Бір өлең екі жерде қайталанып кеткен екен ғой десек, авторлары екі басқа… Бірінде Қайрат Жұмағалиев те , екіншісінде Мұзафар Әлімбаев деп жазылып тұр… «Бұны Білім министрі білмесе,    мен қайдан білейін, содан сұрайсың» дегенімде, қадалған жерден қан алатын Әмина: «Онда мен ол кісіден қалай сұраймын?» дегені… «Хат жаз»-деген сөз қалай аузымнан шығып кеткенін білмей қалдым…  Енді аяқ астынан жазылып, ҚР Білім және ғылым министрі Аслан Сәрінжіповтың блогына салу мүмкін болмаған соң, «Қазақ үні» газеті мен qazaquni.kz порталы арқылы жіберілген Әминаның хатына келейік:

 

ҚР Білім және ғылым министрі

Аслан Сәрінжіповке

Қадірлі Аслан Сәрінжіпов ағай!

       Мен екінші сыныпқа арналған «Өзін-өзі тану» оқулығын ақтарып отырып, сабағымыз әлі ол тақырыптарға келмесе де, өлеңдер оқып отырып, бір мәтіндегі екі өлеңді байқап қалдым… Оның біріншісі 81- бетте «Жарқын заман бөбегі» деп аталады. Авторлары- Қ.Жұмағалиев пен И.Нүсіпбаев. Екіншісі, 117- беттегі «Біз осылай өсеміз» деп аталатын өлең. Оның авторлары -М.Әлімбаев пен И.Нүсіпбаев. Бірақ осы екі өлеңде де бір-ақ мәтін:

Таң атады арайлап,

Күн күлімдеп туады.

Жадырайды бар аймақ,

Жарқырайды шуағы.

 

Дала гүлін жинаған,

Жазып ерлік дастанды.

Аталарым сыйлаған,

Бізге ашық аспанды.

 

Жарқын заман бөбегін,

Аялайды нұрлы таң.

Алтын бесік өз елім,

Туған өлкем Ұлы Отан.

         2010 жылы «Бөбек» ҰҒПББСО шығарған «Өзін-өзі тану» Жалпы білім беретін мектептің 2-сыныбына арналған оқулық авторлары: А.С.Сейтақов, Ж.Б.Қажығалиева, Р.О.Ізғұттынова, Ұ.М. Әбдіғаппарова, Ж.Ж.Әкімбаева.

         Біз бұны қалай түсінеміз?  Өлең қайсы ақынның өлеңі? Неге бір мәтіндегі өлеңді оқулықта екі жерге екі автордың атымен жариялаған? Бұл оқулықтың қатесі енді қашан түзеледі? Біз алдағы уақытта осы қатесі бар өлеңдерді қалай оқимыз?

         Еліміздегі екінші сынып оқушылары атынан осы сауалыма жауап күтемін.

      Әмина Жарылқасын.

 Астана қаласындағы №66 мектеп-лицейдің 2 «в» сынып оқушысы.

(Оқулық фотолары қоса жіберілді.)

       Міне, масқара! Әлі бұл тақырыптарға келмесе де, жәй парақтап отырып, екінші сынып оқушысы байқап қойған бұл  өте өрескел қатені 2010 жылдан бері 5 жыл бойы осы пәннен сабақ беретін бүкіл еліміз бойынша қаншама мың мұғалімдер қалай байқамаған? Бары 144 бет қана тұратын жұп-жұқа оқулықтың жұп-жуан  авторлары ай қараған ба?

Қазақ балалар әдебиетінің классигі, бүгінде тоқсанның төріне шығып отырған Мұзафар Әлімбаев та, қазақтың талантты ақыны, марқұм Қайрат Жұмағалиев те, бір-бірінің өлең ұрлайтын ақындар емес. Ол қадірлі авторлар да бұл сұмдықты білмейтін (білмей кеткен) болуы керек… Бұл жерде бәріне кінәлі аталмыш оқулықтың 5 авторы: А.С.Сейтақов, Ж.Б.Қажығалиева, Р.О.Ізғұттынова, Ұ.М. Әбдіғаппарова, Ж.Ж.Әкімбаева. 

Енді осы жағдайға байланысты бізден бір ұсыныс: Оқушылар биыл 2014-2015 жылғы оқу жылында бесінші рет оқығалы отырған бұл оқулықтың  әлі ол қателері бар 81 және 117- беттеріне келген жоқ. Сондықтан еліміз бойынша барлық мектептерге алдын-ала қосымша түзету жіберілуі керек. Келесі жылы оқулық қатеден арылып, жаңартылуы тиіс…

Ал ҚР Білім және ғылым министрлігі қыруар қаржы бөлініп, шығарылатын әрбір оқулыққа жіті қарап, қатаң бақылау жасауы тиіс.

Оқулық оңбаса, оқушы қалай озат болады?!.

Қазыбек ИСА,

qazaquni.kz


 

21 ПІКІРЛЕР

  1. Бызде Қыркуйектен бері біретте болған жоқ кітапты апарып алып келып журды балам 2 сынып оқыйтын баламда,10 сынып тағы ,11 сыныптағы быретте болмады деп отырады

  2. бұндаи оспадарсыздықа қарғыстан басқа не аитарсың.Кішкене бүлдіршіндерді теріс оқытқан жауапкершілікті үмытқан,Қазақ елінің біріншіұстазы бұдансоң өз былығы өзімен орынды босату керек қои.Егер тітеиде намыс болса.

  3. Жарайсыз, Қазақ үні! Осындай масқарашылықтарды қоя берсеңіздер, балаларымыз сапалы білім алып бастауына себеп болушы еді. Шоқи берсе тас тесіледі деген. Әр ары ұяты бар адам, мин. посындағы, былтырғы шудан кейін кетуші еді… Ал бізде, ұятсыздық жайлаған елде, бұл қайда апаратынын? Дегенмен, ұрпақ халыктікі, мин. емес! Сондықтан жанымызды салу керекпіз, осы саланың дұрыс болғанына!

  4. Күнім, Әмина!
    Өзін өзі тану пәнін мен де оқытамын…
    Бала кезімде қозы бағып жүріп біраз кітап оқығам..
    Мектеп түгілі, колхоздың кітапханасындағы балалар әдебиетін 6-класта тауысып, Стендальдің «Қызыл мен қара» деген романына ауыз салғанмын. Көзі бақырайып кітапты берген кітапханашы Максименко деген кемпір, кітапты өткізгенімде түсінік сұраған. Жюльен жүгермектің қылықтарын қазақша-орысша ежелеп жеткізгенімнен кейін, әлгі кемпір сұраған кітабымды тоқтаусыз беретін болды.
    Ал қазір мектепте оқытылып жатқан Өзін өзі тану пәнінің оқулығында мен атын естімеген авторлардың шалағай шығармалары өте көп.
    Оны тізбелеп шыққаннан оқулық жазған жеңіл..
    Осыдан біраз жыл бұрын Фейсбукті ерттеп мінген сол кездегі бір БжҒ вице-министрге жаздық.
    Жауап болмады.
    Өкінішке қарай, бүгінгі күні бізде балалар әдебиеті ғана емес, жалпы әдебиет өгей баланың күйін кешіп отыр.
    Қолымда тетік болса, мен Шынар Әбілда деген әпшеңнің аудармаларын осы пәннің оқулығына кіргізер едім…
    Ол күнге де жетерміз..
    Әзірше, Шынар әпшеңді интернеттен оқи тұр..

  5. ОҚУЛЫҚТАҒЫ ЕКІ АҚЫННЫҢ ҚАЙСЫСЫ «ҰРЫ», МИНИСТР МЫРЗА?
    Екінші сынып оқушысына оқулық авторлары мұны қалай түсіндірмек?

    Астана қаласындағы №66 мектеп-лицейдің 2 «в» сынып оқушысы Әмина Жарылқасын 2 сыныпқа арналған «ӨЗІН-ӨЗІ ТАНУ»оқулығы бойынша ҚР Білім және ғылым министріне хат жазып отыр?
    Екі жылдан астам бұрын жазылған хатқа Білім министрінен әлі күнге жауап бере алатын бір маман жоқ…
    http://www.qazaquni.kz/2014/12/25/31887.html

  6. Осындай қателерге толы кітаптар шығаруға жол берген министрді қылмыстық жауапкершілікке тартуды неге көтермеді екен Бекболат?.

  7. ОҚУЛЫҚТАҒЫ ЕКІ АҚЫННЫҢ ҚАЙСЫСЫ “ҰРЫ”, МИНИСТР МЫРЗА?
    Екінші сынып оқушысына оқулық авторлары мұны қалай түсіндірмек?
    http://www.qazaquni.kz/?p=31887

    Ғылымға бөлінген 51 миллиард теңге ғылымға жұмсалмай қайда жұмсалды?!. http://www.qazaquni.kz/?p=40003

    БІЛІМ министрі «диктанттан» «ЕКІЛІК» алса, біз қалай БІЛІМДІ боламыз?!. http://www.qazaquni.kz/?p=39607

  8. бұндай сорақыны егер барлық оқулықты қарасаңыз табасыздар. қисынсыз есептер, мәнсіз сөз-сөйлемдер, орынсыз мақал-мәтелдер де көп кездеседі. бұрын балалармен бірге оқып көруші едім, соңғы 6-7 жылда оқулық ұстамаппын. сол баяғы қате қалыптары әлі жалғасуда екен. білім сапасының артуын көп болып қолға алып, осылай көздеріне шұқып көрсете берсек дұрысталар деген үміттеміз.Ал Аминаға паталық алғысымыз, оқуда озат болсын!

    • Ондай қате ана тілі оқулвғында да бар бірінде шешенің балаларын сүюі деген өлеңді міржақып дулатовтікі десе енді бірінде ыбырай алтынсариндікі деген ал тауып ал авторын

  9. Осындай Әмина сияқты балаларды министр етіп қою керек. Сонда оқулықтар сапасы түзелер ме еді кім білсін?! (жаңа жылға қарсы әзіл-шыны аралас ой)

  10. Мұндай үздік, алғыр оқушыны Министр Сәрінжіпов марапаттап, өзінің бастауыш сынып оқулықтары жөніндегі қоғамдық кеңесшісі етуі керек қой. Мектебі де алғыс айтуы керек Әмина мен ұстаздарына.

  11. Әминаға, ата-анасы мен ол оқитын Астана қаласындағы №66 мектеп-лицей ұстаздарына рахмет айту керек. 2 сыныптың оқушысы министрлік жіберген профессор-доктарлардың қатесін түзеп жатса, қолдауымыз керек.

  12. Міне, масқара! Әлі бұл тақырыптарға келмесе де, жәй парақтап отырып, екінші сынып оқушысы байқап қойған бұл өте өрескел қатені 2010 жылдан бері 5 жыл бойы осы пәннен сабақ беретін бүкіл еліміз бойынша қаншама мың мұғалімдер қалай байқамаған? Бары 144 бет қана тұратын жұп-жұқа оқулықтың жұп-жуан авторлары ай қараған ба?

Пікір жазу

Пікіріңізді енгізіңіз!
мұнда сіздің атыңызды енгізіңіз