Елбасы: Жаңа мемлекеттік бағдарлама бойынша тұрғын үй бастапқы жарнасыз, 1-2 %-бен беріледі

10
1824
Қазақстанда пайыздық мөлшері төмен және бастапқы жарнасы төленбейтін жаңа бағдарлама іске қосылады.

Бұл туралы бүгін ҚР Президенті Нұрсұлтан Назарбаев Қазақстан халқына дәстүрлі жыл сайынғы Жолдауында айтты.

Тұрғын үй инфрақұрылымын нығайту мәселесіне тоқталған Елбасы «Арендалық баспана құрылысы тұрғысындағы қадамдарды қайта қарастыру керек. Бізде қолжетімді баспана бойынша көптеген әдістер бар. Елімізде Тұрғын үй құрылыс жинақ, ипотека, арендалық бағыттар қамтылған. Енді бізге басқа қырынан қарау керек. Мемлекет әлеуметтік арендалық баспананы салып, оны халыққа сатып алу құқығымен ұзақ мерзімге жалға беретін болады. Қазіргі кезде қолданыстағы жүйе қомақты қаржыны талап етеді. Бастапқы жарнаны төлеткізеді, содан кейін банктер кабальды (кіріптарлық) пайыздарды бекітеді, яғни оның деңгейі 20 пайызға жетеді. Адамдар оны төлеуге қауқарсыз және проблемалар туындайды. Бұл бағдарламалар қалады, олар дәулетті адамдар үшін қалыпты. Ал жаңа бағыттағы бағдарламаны жас отбасылар үшін және баспанаға зәру азаматтарға жасап жатырмыз», – деді.

Президенттің сөзіне қарағанда, жаңа бағдарлама бойынша баспана еш делдалдарсыз, барынша төмен пайызбен беріледі. Несиелік қызмет ету 1-2 пайыз көлемінде болуы мүмкін. Осы бағдарлама аясында тұрғын үйді сатып алу құны төмендетіледі, бастапқы жарнаға тыйым салынады.

«Ипотекаға төмен пайыздар қазақстандықтар үшін баспананы елеулі қолжетімді етеді», – деп атап өтті Н.Назарбаев.

Осы орайда Елбасы арендалық баспана құрылысына 2015-2016 жылдары қосымша 180 млрд. теңге бөлінетіндігін жеткізді.

Қазақпарат

10 ПІКІРЛЕР

  1. «Айта-айта Алтайды,Жамал апам қартайды» деген екен.
    Сұрқия-сатқын билікте де бет жоқ екен,»тіл-тіл» деп қақсай-қақсай біздің де жақ талды.Біздегідей масқарашылық әлемнің бірде-бір елінде жоқ шығар ? !
    Ошшым,балық басынан шіриді.»Кемеңгер» көсекең солай үлгі көрсетіп отырған соң,шөпкетышарларынан не сұрауға болады ?

  2. Айтпаңыз аға! Қазір қарасаңыз, Абай кз – да тілге қатысты мақала бар екен, соған «қыстырып» қойдым, прокуратураға шағымымды. Шынымен де адамдарды жын қылғалы тұр мына сатқын билік…

  3. Кеше «Азаттық» сайтында жазған едім : Құйрығы тағына жабысып қалған мына қақпас тағы он жыл отырса,қазақтың жартысы жындыхананың пациенті болады,ал қалған жартысы оның «нұрлы жолымен» қаңғып кетеді – деп.
    Бұл неғылған таусылмайтын спектакль,қарындасым ? !

  4. «Қырық екінші жылды басқа салмасын» деп Қадыр Мырза Әли айтқандай,өткен соғыста алғашқы екі жылда халық та, әскерде көп қырылды.Миллиондаған сарбаздар қоршауда қалып, жау тұтқыныны түсті. Сталин танкілер мен автоматтарды, катюшаларды өз қолымен майдан бөлімшелеріне таратып отырды.Содан жеңіске жол ашып еді.Сол сияқты мемлекетімізді келе жатқан экономикалық апатқа соқтырмас үшін қаржыны Назарбаевтың өзі қадағалауы заңды.Неге десең,жырымдап тартып, өздерінің жем -сауларын толтыратын жемқорлар көп.

  5. Руза қарындасым !
    Іс жүзінде Ленин күн көсемнің НЭП (новая экономическая политика) деген бастамасы болады да қояды.
    «Көреген» көсекеңнің «Стратегия 2030″,»Мәңгілік ЕЛ – 2050» деген бастамалары қайда кетті ?
    Бұл бағдарлама да орыстың сасық қорасына кірердің алдында аңқау қазақты алдай тұру «политикасы».

  6. Ия, Жолдауды оқысаң бәрі керемет болатындай, бірақ өмірде, айналамызда мүлде басқа жағдай. Сондықтан да кешіріңіз, әрине мемлекет басмшысы болса да кей сөздері «ертегі» сияқты әсер ететіні бар енді. Жемократия (М.шаханов) салтанат құрған мына заманда бұл бағдарламаларға күмәнмен қарап, немесе НӘН көкеміздің «типичный сказкасы» ғой деп бағалауымыз заңды ғой деп ойлаймын.

  7. Баспанасыз қиналып жүрген халқымыздың, әсіресе шет елден келген қандастарымыздың көз жасын Жаратқан иеміз көріп, Елбасының тіліне салған шығар. Алла ұзағынан сүйіндіргей, халқымызға нәсіп еткей!

  8. Мына «әулиенің» өтірігінен өзім «нұрланып» кетіп,үйдегі бизнес-вумен крәсәбитсамды НУРНАЗОЗОЧКА дейтін болыппын.Или мен алжыдым (63) или мына «әулиенің» әгитәтсиасы өтіп кетті.

    «АЗАТТЫҚТА» қанша қазақ қаңғып жүргені туралы бір топ әңгімелер топтамы бар.

Пікір жазу

Пікіріңізді енгізіңіз!
мұнда сіздің атыңызды енгізіңіз