Ресейдің «Поддубный» фильмі қазақстандықтардың ашуын шақырды

5
2097

Отандық киногерлер Ресей режиссерлері түсірген «Поддубный» фильміне жауап қайтармақ. Көрші елдің шығарған картинасында күш атасы Қажымұқан Поддубныйдан оңбай жеңіледі. Ал мұндай оқиға тарихта ешқашан болмаса керек.

Ресейдің

Ресей режиссерлері фильмде қазақтың Қажымұқанын әуелі түрік деп таныстырады. Онысы аздай, Поддубныймен боз кілемде белдескен Қажымұқан оңбай ұтылады. Отандық зерттеушілер бұл фильмнің дәл осы үзіндісі еш қисынға келмейтіндігін алға тартады. Өйткені, күш атасы Мұқан Мұңайтпасов Иван Поддубный палуанынан ешқашан жеңілмеген.

«Бұл фильмде өтірік жорыта танымағансып, түрік деп көрсетуі. Қазақ екенін орыстар біледі. Екіншіден барып, жорыта Поддубныйға жеңгізіп қойғаны, тіпті оны алып соққан кезде кілемде Қажымұқанның танып жататыны әрине шындыққа жанаспайды», – деді Шәкен Айманов атындағы «Қазақфильм» АҚ бас редакторы Дидар Амантай Алматы телеарнасы.

Ал 1985 жылы Сұлтан Қожықов түсірген бұл көркем фильмде Қажымұқан Поддубныйға інілік ілтитап танытып, жеңісін өз аузымен сыйлай салған. Өйткені, Поддубный Қажымұқанмен жекпе-жекке жетем дегенше, қолы шығып кеткен. Осыны ескерген қазақ палуаны мұны әділетсіз санап, күресуден бас тартса керек.

Ақиқаты, қос палуан өмір бақи бір-бірімен дос болған. Әрі Қажымұқанды күллі орыс ұлты ұлықтап, «Қара Иван» деп атап кеткен. Керек болса, мұқым қазақ мақтанатын батырдың «әлем чемпионы» екенін Поддубныйдың өзі мойындаған.

«Жалпы Поддубный мен Мұқан Мұңайтпасов өмірде дос болып өткен. Екеуіне әлемде тең келетін палуан болмаған, екеуі бірін-бір мойындаған. Жапонияда Мұқанды Поддубный мойындаса, Парижде Мұқан Поддубныйды мойындағын. Жалпы Қажымұқан Поддубныйдан еш уақытта жеңілмеген», – деді тарихшы Жандос Құманбаев.

Енді бірнеше жылдың жүзінде «Поддубный» фильміне жауап ретінде отандық картина шығады. Киногерлер мен зерттеушілердің басты мақсаты- тарихымызды таптамайтын, ақиқатын ашып айтатын фильм түсіру. Бұл көрші елмен жаға жыртысып әлсіздік танытқанша, әлде қайда ұтымды тұс көрінеді.

Источник: Алматы ТВ

5 ПІКІРЛЕР

  1. 1909 жылғы халықаралық палуандар жарысына ол «Қара Мұстафа» деген атпен шыққан. Сөйтіп бүкіл дүние жүзіне Мұқанның неше түрлі лақап аттары тарай бастайды.

  2. Қажымұқанды орыстар жайдан-жай «Қара Иван» деп атамаған, орыстар Иван деген деп босқа мақтанбайық, оның да астары бар: орыстар Қажымұқанның тұңғыш рет әлемдік деңгейде көрінген шағы — 1906 жыл. Алманияда өткен дүниежүзілік сайыста ол әлем чемпионы атанады. Бірақ орыс әкімшілігіне бұратана халықтың атын шығарған палуан онша ұнай қоймайды. Сол үшін де Қажымұқан орыс палуандарының атымен күресуге мәжбүр болды. Қажымұқанға неше түрлі лақап аттар беріледі. Сол кездегі саясат бойынша, бізде тек орыстар ғана емес, жапондықтар да күреседі деген жарнамалар жасалып, Қажымұқанды «Ямагата Мухунури» деген лақап атпен күрестіреді. Сонымен қатар, Мухан, «Иван Чёрный» сияқты лақап есімдері болған.

  3. – Отандық киногерлер Ресей режиссерлері түсірген «Поддубный» фильміне жауап қайтармақ.
    **************************************************************
    Фильмде ҚАЖЫМҰҚАНның жеңісі «ұлт лидеріне» бағышталған болып,фильмнің аты «Қажысұлтан Мұнайгазов» болады.

  4. Бұл фильмде басты рөлде ойнаған ресейлік актер Михаил Пороченков Донецкіге барып пулеметтен оқ атамын деп,әлемге масқара болды.
    Журналистердің киетін экипировкасын киіп,басына PRESS деген жазуы бар каскі жапсырып Донецк әуежайында украин әскерлеріне қарсы оқ атты.
    Бұндай басқыншы (агрессор) ұлттың фильмдерін де,әртістерін де Қазақстанға кіргізуге болмайды.
    Соңғы 20 жылда түсірілген ресейлік фильмдердің бәрі агрессия мен араққорлықты,жәлепшілік пен азғындықты дәріптейтін «шедеврлер».
    Есі бар елдер әлдеқашан ресей фильмдері мен сериялдарына тыйым салған.
    Пороченков деген придурок өзін Рембо қылып көрсеткісі келеді.Ол түскен фильмдердің көбі американдық фильмдердің копиясы.Орыс фильдері «крутой» менттер мен алқаш полковниктерін мақтаудан әріге бара алмайды,ол фильмдерде мән де мағына да жоқ.

  5. Ресей режиссерлері түсірген “Поддубный” фильмін бізде көрсетуге тиым салу керек.Айып пұл тым қымбат болсын не көрсеткен телеарнаны жауып тастау керек

Пікір жазу

Пікіріңізді енгізіңіз!
мұнда сіздің атыңызды енгізіңіз