Өскемендегі славяндық ұйымдар ресейлік БАҚ-қа алданып қалғанын айтады

2
1230

Шығыс Қазақстан облысындағы славяндық ұйымдар Meduza.io сайтында шыққан мақалаға орай ашық хат жариялап, сөздерінің бұрмаланғанын мәлімдеді. Бұл туралы Азаттық хабарлайды.

Өскемендегі славяндық ұйымдар ресейлік БАҚ-қа алданып қалғанын айтады
Өскемендегі бірнеше ұйымның атынан жазылған хатта авторлар материалды жазған журналист Илья Азаровтың «өздерінен шовинист жасамақ болғанын» айтып, айыптайды.

Олардың сөзінше, мақалада айтылғандай «Қазақстанда орыс этникалық топтарының құқықтары шектеліп отырған жоқ».

Жақында ресейлік Лента.ру-дың жобасы саналатын Meduza сайтында «Өскемен халық республикасы. Қазақстандағы орыстар «сыпайы адамдарды» күте ме?» деген мақала жарияланып, ол қоғам арасында теріс реакция туғызған еді. Оны әлеуметтік желіде «ұлтараздық жанжал қоздыру» үшін жазылған «арандату бағытындағы материал» деп атаған болатын.

«…Қазақстанда жер, тіл мен билікті тең емес, бөлді деп сендірмей-ақ қойыңыздар. Бізде барлығымыздың құқықтарымыз тең. Мемлекеттің экономикасы да соңғы орындарда емес. Ең бастысы – біз ынтымақ пен бірлікте өмір сүріп жатырмыз, егер бізде проблемалар туындаса, ол ішкі мәселелеріміз және оны сіздердің кеңестеріңізсіз-ақ өзіміз шешеміз» делінген хатта.

Ашық хат иелері бұған қоса соңғы уақытта аймақта осы сияқты арандатуды көздейтін ақпарат құралдары көбейіп кеткенін, мұндағы жағдайды ушықтыруға тырысып жатқанын да айта кетті.

Хат авторларының бірі, «Русская община Казахстана» ұйымының Шығыс Қазақстан облыстық бөлімшесінің жетекшісі Олег Масленников Азаттыққа бұл хатқа бірнеше ұйым жетекшілерінің қол қойғанын айтты.

Оның сөзіне қарағанда, арандату сипатындағы материал авторы Илья Азаров өзін Ленту.ру тілшісі ретінде таныстырып, материалдың қай жерде шығатынын да айтпаған.

Источник: NUR.KZ

2 ПІКІРЛЕР

  1. Егер бір қазақ бір орыспен төбелессе,онда сол жерде -ойбай қазақтар орыстарды қуып жатыр-деп жазар еді сол күні.Ал енді Қазақстанда тұрып -«үй ішіне үй тігіп » Ол «үйді»- «Өскемен халық республикасы» деп атап ана сайтына жарияласа,оған мына «алданып қалғандар» қуыстанып жалмажан «сасқан үйрек артымен жүзеді»нің» кебін киіп, тез арада «Ашық хат» жазады.Бәрі жалған!Бұлар -біздегі солтүстік орыстар амалсыздан бер жағынан қазақпен «тату» боп жүр.Ертең «анау-мынау» боп кетсе нағыз ту сыртыңнан пышақ салатындар». «Орыстан жолдас болғанша,беліңде балтаң болсын» деп атам қазақ тек айтпаған!

  2. Алданған жоқ олар. 20 жылдай сонда тұрғанымнан айтамын, 99жылға дейін. Олар ылғи қазақ мемлекетіне қарсы жымысқы саясатын жүргізіп келді. Айтарын айтып, жаздыратынын жазып, енді бірдеңе болмасын деп мүләйімсіп отыр. Алысқа бармай-ақ: қызым одноклассники деген сайтта отырады кейде. Сонда КО, БЭА туралы сөз шыққаннан бері оларың зат сатандары рубл деп қояды бағысын. Соны бір рет келген ресей жорналшысы, қай жаман пиғылда болмасын, қалыптастырып кетпейді. Ол жылдар бойы қалыптастырылатын нәрсе….

Пікір жазу

Пікіріңізді енгізіңіз!
мұнда сіздің атыңызды енгізіңіз