Бүгінгі таңда құстарды қорғау үлкен әрі түйткілді мәселеге айналып отыр. Әсіресе, жоғалып бара жатқан сирек түрлерін. Браконьерлердің ашкөздігін былай қойғанда, құстардың токқа ұрынып, топ-тобымен қырылуы жиілеп кетті, деп хабарлайды Islam.kz.Қанаттылар көп кездесетін жер шарының кей бөліктерінде, мәселен, Гавай аралында жоғалып бара жатқан сирек кездесетін құстар электр қуатын тасымалдайтын токқа ұрынып өлуі қалыпты жағдайға айналғандай. Құстардың ондай сирек кездесетін түрлерінің орнын толтыру мүмкін емес. Бұл мәселені шешу үшін Гавай аралының мамандары осы заманғы технологияның көмегіне жүгінуді ұсынып отыр. Нақтырақ айтқанда, сәулелі лазерді қолданып көруді құп көріп отыр. Олардың бастамасымен электр тасымалдаушы желінің үстіңгі жағына лазер қондырғылары орнатылған. Ұшып келе жатқан құстар жоғары кернеулі желіге жақындағанда лазерлік сәуле оларды үркітіп жібереді. Бұған қоса, аталған қондырғы тек құстарды қорғап қана қоймай, сонымен қатар, қанаттыларды зерттеп жүрген ғалымдарға да көп көмегін тигізетін көрінеді. Яғни, құстардың қайда бет алғанын, олардың көші-қонын анықтауға мүмкіндік береді. Лазерлік сәуленің құстарға зиянды емесін айта кету керек. www.bnews.kz