Полицей 23 жастағы қызды өлтірді деп айыпталды!..

Қызылорда облысы Шиелі ауданының 23 жасар тұрғынын өлтірді деген күдікпен полиция қызметкері қолға түсті, деп хабарлайды BNews.kz тілшісі облыстық прокуратура басқармасының басшысы Ерлан Қожановқа сілтеме жасап.

Полиция. Фото: azh.kz

Тергеуді облыстық прокуратураның арнайы прокурорлар басқармасы жүргізуде. Әзірге, тергеу мүддесіне қарай қылмыс тұрмыстық жанжал барысында жасалғаны ғана айтылуда.

Сондай-ақ, аталған іс бойынша бас күдікті 45 жасар полиция қызметкері екені белгілі болды.

Қазір күдікті Шиелі аудандық сотының шешімімен қамауға алынды. Оған адам өлтірді деген айып тағылған.