Білім министрлігі қазақ тілін қысқартып, ал ағылшын тілін 1-ші сыныптан оқытпақ

Білім министрлігінің балалардың басын қатыратын кезекті бастамасы тағы дауға қалды. Түрлі сынақтан жалықпайтын ведомство 2015 жылдан бастап іске асырылатын 12 жылдық білім берудің стандартын жасап, Мәжіліске алып келді. Бірде бір әлемнің дамыған мемлекеттері 1-ші сыныпта екінші немесе үшінші сыныпта  шетел тілдерін оқытпайды. Олардың бәрі ақымақ па сонда?Бірақ кезекті реформаның мазмұны бірден түсінбеушілік туғызды деп хабарлайды КТК арнасы. Ал депутаттар 1-ші сыныптан бастап "ағылшын тілін оқыту керек" деген министрліктің ұсынысына тегіс қарсы шықты. Білім министрлігінің сыры Мәжіліске мәлім. Сондықтан болар балалардың болашағына қатысты реформа талқыға үскен жиынға вице-спикер Дариға Назарбаеваның өзі қатысты. Ал шенеуніктердің алғашқы жаңалығы депутаттарды таңғалдырды. Енді ағылшын тілі тәжірбие жүзінде оқытылып қоймай, 1-ші сыныптан бастап міндетті пән ретінде енгізілмек. Білім және ғылым вице-министрі Есенғазы Иманғалиев "Жаңа стандарт оқушыларды өз бетінше ізденуге, қоғамда еркін қарым-қатынас жасауға үйретеді. Бұл бағдарлама арқылы болашақта үш тілді ұрпақ тәрбиелеп шығаруға мүмкіндік береді", - дегенді алға тартты. Ұстаздар дәл осы үш тілдік жүйені естігенде өре түрегелді. Ағылшын тілін 3-ші сыныптан үйренсе де кеш емес дейді депутаттар да. Ал, жаңа бағдарламада қазақ тілі 7 сағатқа қысқарып қалған. "Бірінші сыныптар үш тілді қатар меңгеру оқушылардың қабылдау мүмкіндігіне қайшы келеді. Үш тілді әліппе оқушылардың сауатты ойлап, сөйлеуге үйретпейтіні анық", - деді педагогика ғылымдарының докторы Әмина Әмірова. "Бірде бір әлемнің дамыған мемлекеттері 1-ші сыныпта екінші немесе үшінші сыныпта  шетел тілдерін оқытпайды. Олардың бәрі ақымақ па сонда?", - деген уәжін алға тартты Мәжіліс депутаты Алдан Смайыл. Бұл аздай Білім министрлігі алты жасар балаға информатика пәнін де үйретпек. Оңы мен солын танымайтын оқушы кесте, диаграмма, слайдпен жұмыс істеуге тиіс. Ал, негізгі жол сілтеуші оқулық – Әліппе бағдарламадан мүлдем түсіп қалыпты. Жаңа стандарттың тағы бір түсініксіз тұсы – "үш қайнаса сорпасы қосылмайтын" пәндер бірігіп кеткен. Бұған дейінгі реформаларды сан рет сынаған депутаттар бұл жолы да Білім министрлігін түк түсіне алмады. Қай мемлекет екенін шенеуніктердің өздері де, жарытып түсіндіре алған жоқ.  Ал түрлі тәжірбиеден алдына жан салмайтын министрлік 12 жылдық білім беруге қатысты жаңа стандартты оқу бағдарламасына келесі жылдан бастап  енгізуді жоспарлағап қойған екен. Бірақ, бүгінгі сыннан кейін реформаның кем дегенде тағы 3 жылға шегерілетін түрі бар.

КТК арнасы