Назарбаев: Тұрақтылық болмаса, тыныштық та болмайды

4
1552

Қазақстан Президенті Нұрсұлтан Назарбаев  Қазақстанда тұрақтылықты, халықтар арасындағы бірлікті сақтау керек екендігін айтты, – деп хабарлайды Tengrinews.kz тілшісі.

«Тұрақтылық болмай, тыныштық та, достастық та, бірлік те болмайды. Әрқашан біз мұны көреміз және сеземіз», – деді Назарбаев, Мәжіліс Парламенті Кәрім Мәсімовтың премьер-министрлікке кандидатурасын мақұлдағаннан кейін.

«Ливиядағы орын алған жағдайды қараңыздар. Бұл елде қазір түрлі қауым арасында соғыс жүруде. Мемлекетті жоқ десе де болады. Египетте бір ағым өкілдері мен екінші ағым өкілдері соғысып жатыр. Әр күн сайын бұл елде 50-60 адам мерт болды деп хабарлауда. Сирияда не болып жатыр? Азаматтық соғыстың аз ақ алдында тұр. Өйткені бұл елдерде бірлік жоқ, түсінушілік жоқ. Ал Украинада жаңа басшылар келіп: біз халықтың бір бөлігін азаматтықтан айырып, орыс тілінде сөйлеуге шектеу коямыз дейді. Біздің елде мұны елестете алмайсың. Бізде Қазақстанда барлығы жетеді, бізге құдай жер берген, ресурстарымызда жетерлік. Егер біз бірге болсақ, болашаққа сенімді қарай аламыз», – дейді Елбасы.

Сонымен қатар мемлекет басшысы тұрақтылық пен достықты сақтау тек Президенттің ғана тапсырмасы емес, әрбір қазақстандықтың міндеті екенін айта кетті.

«Біз Кеңес өкіметінің берекесіз құлауынан кейін, үлкен дағдарыстан өттік. 1992 жыл мен 1996 жыл аралығында біз тосырқап Қазақстанның болашағы бар ма, жоқ па? деген сұрақтарға жауап бердік. Бізге бұл қараңғылықтан, астаң-кестеңнен шыға алмайтындай көрінді. Бірақ сіздермен бірге бұл кезеңді де артта қалдырдық», – деді Назарбаев депутаттармен кездесу барысында. 1988 жылы Қазақстан оңтүстік-шығыс дағдарысына кіріп, кейін Ресей рублінің құлдырауына да тап болғандығын қоса кетті Елбасы.

«Мұның бәрі сынақ болды. Қанша өмір сүрсек – дәл сондай сынақтар болады. Нарықтық экономика пайдалы болуы мүмкін. Бірақ, бұл мемлекеттерге үлкен сынақ, экономикалық, қатал бақталастықты талап етеді. Мыңдаған компаниялар банкротқа ұшырап, жаңа компаниялар пайда болады. Міне, осылай өмір сүреміз. Бір тірлікті бітіріп қойсақ бәрі де біткен секілді болып көрінеді. Шынында олай емес. Әр жыл, әр ай өзінің жаңа талаптарын қояды. Мұның барлығын біз елдегі тұрақтылық пен келісім және түсінушіліктің арқасында шешіп жүрміз», – дейді Нұрсұлтан Назарбаев.

tengrinews.kz

4 ПІКІРЛЕР

  1. Қазақстан Президенті Нұрсұлтан Назарбаев Қазақстанда тұрақтылықты, халықтар арасындағы бірлікті сақтау керек екендігін айтты, – деп хабарлайды Tengrinews.kz тілшісі.
    Елбасының мына сөзіне 100% келісемін,халықтар арсындағы бірлікке не жетсін. Қазақ әу бастан қонақжай біреуге өздігінен тиіспейтін халық емес пе?Бірақ бір халықтар оны дұрыс түсінбей қазақты кемітіп жатқан кездер де болып жатыр.
    Қазақ халқының көпшілігі кедей,ал басқа ұлттардың тұрмыстық жағдайы әлдеқайда жоғары.Осы мәселені де әділетті шешсе өте дұрыс болар еді.

  2. ҚАЗАҚСТАН РЕСПУБЛИКАСЫНЫҢ ПРЕЗИДЕНТІ Н.Ә.НАЗАРБАЕВ ТӘУЕЛСІЗДІГІМІЗГЕ ҚАУІП ТӨНДІРЕТІН одақтан шығамыз деген уәдесінде тұратынына сенеміз.
    ҚАЗАҚСТАН РЕСПУБЛИКАСЫНЫҢ ПРЕЗИДЕНТІ Н.Ә.НАЗАРБАЕВ ТӘУЕЛСІЗДІГІМІЗДЕН АЙЫРАТЫН АТЫ ӨШКІР евраазиялық, кедендік одақтан шығып ТӘУЕЛСІЗДІГІМІЗДІ САҚТАП ҚАЛАТЫНЫНА ҚАЗАҚСТАН ХАЛҚЫ СЕНЕДІ.ІСКЕ СӘТ ҰЛТ КӨШБАСШЫСЫ.ҚАЗҚСТАН ХАЛҚЫ ТӘУЕЛСІЗДІГІМІЗДІ САҚТАП ҚАЛУ ЖӨНІНДЕГІ ЖҰМЫСТАРЫҢЫЗДЫ БІРАУЫЗДАН ҚОЛДАЙДЫ.БІЗ ҚАЗАҚСТАН ХАЛҚЫ ТӘУЕЛСІЗДІГІМІЗДЕН АЙЫРАТЫН АТЫ ӨШКІР евраазиялық, кедендік одаққа кіргізіп ҚАЗАҚСТАНДЫ ФЕДЕРАЛДЫҚ ОКРУГКЕ АЙНАЛДЫРЫП путин мен жириновскидің бізге президент болғанын қаламаймыз.
    ТЕК ТӘУЕЛСІЗДІГІМІЗДЕН АЙЫРАТЫН АТЫ ӨШКІР евраазиялық, кедендік одақтан ШЫҚСАҚ БОЛДЫ МЕМЛЕКЕТІМІЗ МӘҢГІЛІК ТӘУЕЛСІЗ ҚАЗАҚ ЕЛІНІҢ ТӘУЕЛСІЗ БОЛЫП ПРЕЗИДЕНТІМІЗ 2016 ЖЫЛЫ ӨТЕТІН САЙЛАУДА ДА 100 ПАЙЫЗ Н.Ә.НАЗАРБАЕВ БОЛҒАНЫН ҚАЛАП ДАУЫС БЕРЕМІЗ..
    ҚАЗАҚСТАН РЕСПУБЛИКАСЫНЫҢ ПРЕЗИДЕНТІ Н.Ә.НАЗАРБАЕВ ТӘУЕЛСІЗДІГІМІЗГЕ ҚАУІП ТӨНДІРЕТІН одақтан шығамыз деген уәдесінде тұратынына ҚАЗАҚСТАН ХАЛҚЫ ДА ДҮНИЕЖҮЗІ МЕМЛЕКЕТТЕРІ ДЕ СЕНІП ОТЫР
    КЕЙІН БИЛІККЕ жириновскилер келеді МҰНДАЙ МҮМКІНДІК БОЛМАЙДЫ
    ТӘУЕЛСІЗДІГІМІЗДІҢ ТАҒДЫРЫ СІЗДІҢ ҚОЛЫҢЫЗДА ЕЛБАСЫ ҰЛТ КӨШБАСШЫСЫ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ Н.Ә.НАЗАРБАЕВ ТӘУЕЛСІЗДІГІМІЗДЕН АЙЫРАТЫН кедендік одақ ЕврАзЭСтен шығып ҚАЗАҚСТАННЫҢ ТӘУЕЛСІЗДІГІН САҚТАП ҚАЛАТЫНЫҢЫЗҒА ҚАЗАҚСТАН ХАЛҚЫ ДА ДҮНИЕЖҮЗІ МЕМЛЕКЕТТЕРІНІҢ ХАЛҚЫ ДА СЕНІММЕН ҮМІТПЕН ҚАРАП ОТЫР

  3. тұрақтылық деген не 17- млн адамды әлемнің бір елінде жоқ байлығын ұқсата алмай отырып. көтере алмайтын шоқпарды ұстамау керек еді.

  4. Мен Елбасымыздың Бас уәзір етіп Бердібек Машбекұлы Сапарбаевты, Сыртқы істер уәзірі етіп Қырымбек Елеуұлы Көшербаевты, мемлекеттік хатшы етіп Иманғали Нұрәліұлы Тасмағамбетовті тағайындағанын қалап едім.

Пікір жазу

Пікіріңізді енгізіңіз!
мұнда сіздің атыңызды енгізіңіз