Бесінші рет сайлауға түспек…

7
1825

ҚР Президенті Нұрсұлтан Назарбаев америкалық Bloomberg агенттігіне берген сұхбатында 2016 жылы өтетін сайлау жөнінде әңгімеледі деп хабарлайды Tengrinews.kz.

Журналистер Президенттен Қазақстандағы билік ауысар кезеңді қалай топшылайтынын сұраған.

«Бәрі жиі қоятын және бірдеңе естігісі келетін қызық сұрақ, бірақ ешқашан естігісі келгенін ести алмайды. Тәуелсіздік таңы атқан кезде қалай даму керектігін, кімнен тәжірибе алу керектігін, бізге кімнің, қай елдің, қандай көшбасшының жол көрсете алатынын ойладық. Сонда ойладым, бізге ешкімді, ешқандай елді қайталауға болмайды, оның үстіне, Қазақстанның өз тарихи жолы бар. Мысалға, Ли Куан Ю біз үшін қызығушылық туғызатын адам, бірақ Сингапур – қала-мемлекет – Қазақстанмен салыстыруға әсте келмейді, дегенмен олардың білім беру, денсаулық сақтау, инвестиция тарту бойынша істеген ісі бізге қызық. Маргарет Тэтчердің жекешелендіруді жылдам жүзеге асыруы қызығарлық болды. Біздің Конституция генерал де Голльдің конституциясынан көп нәрсені қабылдады. Сондықтан өтпелі кезең міндетті түрде болады, қатып қалған ештеңе жоқ. Барлық жайт қарастырылған Конституция бар. Бес жыл сайын сайлау өтеді, халық кімді таңдаса, сол басқаратын болады», – деді Елбасы.

Мемлекет басшысы шетелдік ақпарат құралының «2016 жылғы сайлауға қатысасыз ба?» деген сауалына: «Мен 2016 жылдың желтоқсанының соңына дейін сайланғанмын, уақыты келеді – сол кезде айтатын боламыз», – деп жауап берді.

Нұрсұлтан Назарбаев бұл сұхбаты барысында Қашағандағы мұнай өндірісінің келешегі жайлы да айтты. Оның сөзіне қарағанда, Қашаған мұнайы 2018 жылға дейін ел экономикасының жылына 6%-дан кем емес деңгейде өсуін қамтамасыз ете алады.

Өзінің жобалық қуатына жеткен кезде кен орнынан күніне 370 мың баррельден артық мұнай өндірілетін болады. Егер жобаның екінші кезеңі іске асырылса, бұл мөлшер екі еселенуі мүмкін.

«Қазақстан өзіне қанша мұнай өндіруі керектігін шешіп алуы керек. «Қалғаны келер ұрпақтың еншісіне тисін» деп айтуға болар еді, бірақ олай болғанын қаламаймыз, біз жұмысты жалғастырамыз», – деді Президент.

Tengrinews.kz

7 ПІКІРЛЕР

  1. Ертеде қазақта «Байлық бір жұттық» дейтін. Міне сол аталарымыз айтқандай біздің қазіргі «Байлығымыз» -МҰНАЙымыз ертең бітеді!Сонда Пушкиннің ертегісіндегі балықшының жаман кемпіріндей тесік легенді құшақтап отырамыз.Мұнайға сеніп отырғанша ,тезірек барлық күшті шағын бизнеске қолдау көрсетуге жұмсау керек. Елде шағын завод-фабрика сияқты өнеркәсіп орындарын салуға талпынып отырған белсенді азаматтарға процентсіз кредит беру керек. Сонда жұмыс орны көбейеді.ертең Мұнай біткенде халық қапыда қалмайды.Ал 2016 жылғы сайлауға түсу деген ол -Брежневті қайталау.

  2. Мен оз басым карсымын Назарбаевтын кайта сайлануына 5-ши рет, адам оз орнын билу керек емеспе омирбаки отырмакшыма олгенше.Казакстаннын жагдайы нашарлап барат экономикасы алсиреп шикизаттын кушимен арен жан багып отырмыз.Халыктын 50%кедей жумыс жок табыстары жетпейди зарплата аз.Квартира жалдап журген казактар тек уй алуга кредит алуга калталры котермейди ,банктин проценти жогары.Жолдарымыз болса анау шурык шурык сонда не ушин налог толеймиз машинага?букил зат кымбаттап жатыр акшаны косып жатырмыздеп мактанады пайда жок одан.Тилди айткымда келмит ол омири шешилмейтин проблема кутты бир россияда турып жаткан сяктымыз ресейден коркамыз.Осы проблемаларды айтатын бир депутат жокгой президенттин бетине нестеп жургендерин укпайсын, жагымпазданудыгана биледи кокелерине еки создеринин бири ел басы ел басынын аркасы содан баска соз билмит, не ол сонша тындырып жатыр?барин корип отырсада кормит.И еще казакстаннын атауын озгертемиздит мумкин Назарбаевдеп атайсындар…ода шыгат сендерден.Общем бизге баска басшы керек осы проблемаларды шешетин.Ойанындар казактар

  3. Боғын жеген билік. Бар байлығын жатқа таратып беріп, солардан қалған қалдықты жалап отырған бейшара билік! Өзіміздей Иран өз мұнайын өзі өндіріп отыр, Түркіменстан да сол бар байлығының қызығын өзі көріп отыр. Ал біз әркімнің астында жататын салдақы қатын сықылды көтімізді анаған бір, мынаған бір ашып жүрмыз. Болашақ ұрпақтан ұят!

  4. Ұялатын шығар енді атам… Қартайды ғой, қадірің бар да еліңді тап деген ғой Қазақ атам

  5. менің бір түйсігім айтады, осы көкеміз соңғы уақытта өз билігімен ештеңе шешпейтін сынды, жанындағылар оған дегенін істеткізіп, айтқызатын сияқты. Брежнев басшылықтан кетем дегенде оны жібермей ұстап тұрғанын тарихтан білеміз, сол жағдай қайталанып келеді. Ел басы кетем десе де оны мүдделі топ ұстап тұрады.Тек қорқатыным өзі айтқандай келер ұрпақ еншісіне ол кісі тұрғанда ештеңе қалмайтын шығар.

Пікір жазу

Пікіріңізді енгізіңіз!
мұнда сіздің атыңызды енгізіңіз