Ел атын өзгертуді талқыламай-ақ, парламент қабылдауы тиіс.

5
1396

Қазақ Елінің мемлекет басшысы Нұрсұлтан Назарбаев Атырау обылысына барған кезекті ісспарында республика атауын «Қазақ Елі» немесе «Қазақ Республикасы» деп атаудың қажеттігі туралы игі бастама көтергені көңілімізге жылулық енгізгенін несіне жасырайын. Қазақ Елі өзінің тәуелсіздігін алған 23 жыл ішінде билік басындағылар Қазақ Ұлтын тек қорлаумен ғана шұғылданып келгені – тағы да жалған емемес. Орысқұл биліктің Қазақ Ұлтына соншалықты өшігуінің артында — қайтадан орекеңдерге құл болу идеясы тұрғанын біздің құрғыр ішіміз сезбейді емес, сезеді. Биліктің барлық салаларының бір адамның қолына шоғырланғанының бір жақсылығы — егер Елбасы осы ұлық идеясын жүзеге асырса, онда Қазақ тарихына оның есімі мәңгіге қашалып жазылар еді. Және де ол кісінің 23 жыл ішінде Қазақ Ұлтына жасаған бір жақсылығы болар еді. Қазақ ұлтына олар жасаған толып жатқан қиянаттардың бір қайтарымы да – осы игі қадам екенін біз де жақсы білеміз. Бұл кісі және оның толып жатқан орысқұл шенеуніктері ашық түрде Қазақтан кешірім сұраса, Нұр үстіне Нұр болары даусыз! Ұлтымызға екінші сорт ұлт ретінде ғана қарап, танауларын көкке көтере шүйіріп жүргендердің де тауы шағылып, амалсыз бір саты болса да төмен түсер еді. «Қазақ Елі» де, «Қазақ Республикасы» да — Қазақтың маңдайына тар келмес деп ойлаймын, өз басым. Мемлекет басшысының бұл идеясын жалпыхалықтық талқылауға салудың еш қажеттігі жоқ. Мына парламент дауысқа салып, қабылдап, мемлекет басшысы бекітсе де жеткілікті дер едім. Ана «бүйректен сирақ шығаруға» әзір келімсектердің аузына сөйтіп, құм құйылар еді. Оларды 70 жыл және соңғы 23 жыл басымызға шығарып келгеніміздің өзі — оларға жасалған аз жақсылық па?..

Қазақстан Республикасының тәуелсіздігін жариялағаннан кейін ілі-шала жаңадан жасақталған жаңа парламенттің республика атауын өзгерту туралы жиынында — еліміздің «Қазақстан Республикасы» болып аталуына бар күшін салып, жанталасқан  Мұрат Әуезов енді қайтер екен?..

Жұмаш КӨКБӨРІ

5 ПІКІРЛЕР

  1. Зарина! Қарапайым Қазақты үлкен мінберден сөйлетіп, ой-пікірін білдіруді үкімет сұраған емес, сондықтан, кімнің ішінде қандай сыр жатқанын, не туралы ойланып, нені аңсап жүргенін қайдан білесіз?! Іштен тынып жүрген жоқпыз ба…Қазақстан емес «ҚАЗАҚ ЕЛІ» деп жазып та, айтып жүргенімді сіз естіген жоқсыз, неге десең, мен өз елімде өгейсіп, қор болып жүрген құлмын…Осындай үлкен істі Басшы бастамағанда, Қосшы бастау керек пе еді?! Неге біз әр адам өз ісін орындағаны үшін, бас ұрып аяғына жығылып, Аллахтап құлдық ұрамыз?! Басқамыз (бүкіл Қазақ) қырылып қалсақ та, осы кісі аман болсын дейміз?! Неге біз осынша бейшара едік…Оңбай жүргеніміз де осыдан ғой…

  2. Қазақта «ердің екі сөйлегені-өлгені» деген аталы сөз бар. Қарапайым халықтың ойына да келмей жүрген «Қазақ елі» атауын бастаған өздеріңіз,бұндай сөзді естігенде қарапайым халық,оның ішінде қазақтар қуаныштан жүрегіміз жарылардай, қос қолымызды көтеріп 100% келісіп отырғанымыз айдан анық. Қолдамаса қаншама жылдар бойы бізге айқайлап сөйлеп, билік жүргізуге үйреніп қалған орыстар қолдай қоймас.Енді бастаған сөздеріңізді іске асыра алмай қалсаңыздар бүкіл қазақты әбүйірден жұрдай қылғандарыңыз. Онда орысқа жалтақтау,олардың рұқсатынсыз ештеме шеше алмау, құлдық сана әлі жойылмаған деген сөз.
    Біздің кейбір жандайшап журналистер орыстардан рұқсат сұрап интервю алып жүрмесе деңіз.Барлық орысқа топырақ шашудан аулақпын.Арасында бізді жоғары бағалайтын, Отанын сүйетін, адалдары да бар. Жаны ашымайтындары да жетіп артылады.Осы жолы кімнің-кім екенін білуге болады.Өзін осы Отанның жанашыры санайтындары ғана «қазақ елі» болуымызды қолдайды.Қазақ Республикасы деп қорқақтамай, құласаң нардан құла деп «Қазақ елі» деп атасақ екен деймін.Оны мықты саясаттанушылармен ақылдасқан дұрыс болар.
    Қазақта: «Азар болса Кенесары жүз жасар» деген сөз бар ғой. Елбасымыз да жасы келген сайын «осы қазағымның қандай армандарын орындасам екен» дегендей,сорлы қазақтың көптен көкейінде жүрген армандарын іске асырып жатыр. Елбасымызды біріншіден АЛЛА қолдап, дұрыс жолын көрсетсін, екіншіден маңайындағылары адал болса екен,өзінің жеке бас пайдасы үшін өтірік күліп түлкі боп жүргендерден құдай сақтасын, үшіншіден «ақ патшамызды» халық қолдасын.АЛЛА ҚАЗАҚ ЕЛІНДЕГІ БАРЛЫҚ ХАЛЫҚҚА, ЕЛБАСЫҒА ҰЗАҚ ҒҰМЫР, БАЯНДЫ БАҚЫТ, БІРЛІК, ЫНТЫМАҚ БЕРСІН,АУМИН!

  3. «Қазақ Елі»- тамаша атау! Елдің, жердің кімдікі екенін айқындап, көзіне шұқып тұрып көрсетіп тұрады. Ең тамашасы-орыс та-орман да, неміс те-негр де «ҚАЗАҚ» деп аталады! Бұл- нағыз Тәелсіздік!

  4. «ҚАЗАҚ ЕЛІ»атауын кабылдаса екен!Ел созинин тарихи ұғымы зор.Еліміздің мәртебесі жоғары болатын еді.»ҚАЗАҚ ЕЛІ»жақсы жарасады.

Пікір жазу

Пікіріңізді енгізіңіз!
мұнда сіздің атыңызды енгізіңіз