Мен үшін «ов-а» деген құлдық жалғаудан босап, тегі де Тәуелсіздік алған ұлттық тектегілер зор құрметке лайық!

18
1939

«…Фейсбукте күнде отыруға уақыт жетпейді. Ал 4-5 күнде бір ашып қалғанда, қаптап тұрған «потвердить» етуді сұраған дос болушыларды көріп, қалай дос етуді білмейсің. Өйткені Фейсбукте 5000 адамнан артық қабылдамайды. Сондықтан босаған орындарға алдымен фамилиясы «ов-а» деген құлдық жалғаудан босаған таза ұлттық тектегілерді қабылдауға тырысамын. Бұл біреулер үшін жай нәрсе шығар, мен үшін өте маңызды! Сіздерге ше, құрметті достар?..»

Осы жазба Фейсбуктегі парақшама    https://www.facebook.com/kazybek.isa   жариялана салысымен, үлкен айтыс басталып кетті… Бір жақсысы, ұлттық қаны бар намысты азаматтар көп екен…   Кезінде кеңестік империяның қыспағына да қарамай,  ғұлама Әлкей Марғұлан, қаһарман Бауыржан Момышұлы, қаламгерлер Шона Смаханұлы, Балғабек Қыдырбекұлы секілді қайраткерлер өздерінің ұлттық тектерін сақтап қалды. Иә, мен үшін   «ов-а» деген құлдық жалғаудан  босаған, Тәуелсіздік кезеңде тегі де тәуелсіздік алған, таза ұлттық тектегілер зор құрметке лайық!

Ал Сіздерге ше, www.qazaquni.kz сайты оқырмандары?

Қазыбек ИСА

18 ПІКІРЛЕР

  1. Өзіңізге рахмет, Қазеке! Бізде сіздей ұлтшыл ермен мақатанамыз. Мұхтар ағадан кейін, мен үшін, Қазақстанда, екінші ұлтшыл сізсіз!

  2. Нағыз ұлтшыл, ерлерден де артық қайрат көрсетіп, «шоқынды» орысқұлдар мен шовинист орыстардың екі аяғын бір етікке тығып жүрген керекулік Руза ханым менің ең бірінші досым ғой. Жанұзақ пен Күлзада да нағыз достыққа лайық жандар деп білемін… Рахмет сіздерге!

  3. Өз аты-жөнімді тәуелсіздіктің алғашқы жылдары орысы көп Қарағандыда Сіз айтқандай, қазақшасы шамалы қызметкерлермен алысып жүріп ауыстырып алғанымды қазір мақтанышпен айта аламын. Меніңше, сананың тәуелсіздігіне, яки әр адамның қасиетті Тәуелсіздікті өз бойынан өткізе білуіне қол жеткізбейінше, жалған айқай ештеңе бермейді. Төлқұжатымды ауыстыру үшін үш рет қатесін түзеттіріп, қиыншылығына төзіп, бәрібір өз елімде өз атыммен жүруге бел байладым. Енді мен «Мен – Қазақпын!» деп айта аламын деп ойлаймын. Қазақ болуды әркім өзінен, өз отбасынан, өз ісінен, тіліне, діліне, дініне адалдықтан бастасын.

  4. Өзбекстаннан атамекенге көшіп келіп, азаматтық алып болған соң Целиноград аудандық Халыққа қызмет көрсету орталығына барып, «ов» деген құлдық жалғауды алып тастап, жаңа жеке куәлік беріңдер десем, сол жердегі қазақшасы сорлылау бір қызметкердің айтқанынан түсінгенің, қысқасы менің пәмилемді өзгертуге Ислам ака мен Нұрекеңнің, кешіресіздер Нурсултан Абишевичтің рұқсаты керек екен. Қалай ойлайсыздар Мухтар Джанзахов дегеннен Мұхтар Жанұзақ деген әлдеқайда жақсы емес пе?

  5. «Аты жони мен теги Казакша жазылу ушин, туу туралы куалигин озгерту керек. Содан Кейин барлык документтер озгереди. Ал озгермесе туу туралы куалиги, зейнетакысын алатын кезде оте киын болады. Сондыктан туа сала озгерту керек.»-деген оттаубай Қазекең айтқан ЦОН-дағы ҚАЗАҚҚА ҚАРСЫЛАРДЫҢ сөзі ғой. Олар маған да солай айтқан. Міне, осы сөз – құлдық жалғауды алуға кедергі келтіретін сөз. Мен де Қазыбек Иса айтқандай, ешқандай туу туралы куәлігімді өзгертпей-ақ «ов»-ты алып тастатқыздым. Құлдық жалғаудан құтылғандардың бәрі туу туралы куәлігін өзгертпей-ақ ауыстырды. Тек құлдық психологиядағылар ғана өздері өзгертпегенімен қоймай, елге теріс насихат жүргізіп, қазаққа қарсы жұмыс істейді. Президент жарлығын 1997 жылы шыққан, оқу керек, ең болмаса, сауаттарың соған жететін шығар, онда ешқандай туу туралы куәлікті өзгерту туралы кедергілер болмасын деп жазылған…

  6. Қазакка карсы шыккандар – кулдык жалгауды алуга карсылардын барлыгы. Олар – туу туралы куәлікті жане каптаган кужат ауыстыру керек деп елди коркытып, алдап, карсы соз айткандардын барлыгы казакка жау.

  7. «Ов» дегенді алу үшін туу туралы куәлікті ауыстыру керек деп қиындатады ғой ЦОН-дағылар. Содан жеке куәлікті ауыстыруды ауырсынып жүре беремін…

  8. Амрина деген біреуге:»Әміре шығар» десем, көнбейді. Содан»фамилияң неткен әдемі, әсіресе алғашқы екі әрпі»деп қитыгына тиіп алдым.

  9. Қатқылдау болса да расы мынау: Атасының есімін дұрыс жазбай/ айтпай көөп қараорыстар марқұм аталарын» көрінде өкіртіп» жүр ғой

  10. Иә, ең болмаса, кәмелетке толып, жеке куәлік алар кезде балаларыңыздың (іні-сіңлілеріңіздің) тегінен құлдық жалғауды алып тастасаңыздар, ол да үлкен жетістік. Болашақтарымыздың атында құлдық жалғау болмайды. Қазір АЛМАТЫДАҒЫ № 173 ЛИЦЕЙ ОҚУШЫЛАРЫНЫҢ, мысалы менің қызым бітірген 2011 жылғы түлектердің 60-70 пайызының тегінде құлдық жалғау жоқ. Ол да оңай емес. Мен екі балам жеке куәлігін алар кезде ЦОН-ДА ОТЫРҒАН МӘҢГҮРТТЕРМЕН айқасып, басшыларына барып, ауыстырдым. Ол жерде өз жұмысын білмейтін ұл-қыздар отыр. Олар 1997 жылы шыққан «Азаматтардың тегін ұлттық негізде жазу туралы» Президент жарлығын да білмейді. Оларды жұмысқа аларда ең алдымен осы жарлықпен таныстырудан, білер-білмесін тексеруден бастамай ма? «Тектен «ов»-ты алуға болмайды»-дейді беттері бүлк етпей… Басшыларына барып, 3 секундта аустырған соң, «СЕНДЕР ҚАЗАҚҚА ҚАРСЫ ЖҰМЫС ІСТЕП ОТЫРСЫҢДАР»-деп ит терісін басына қаптадым. Елдің бәрі басшыға бара бермейді , «ой, болмайды екен ғой»-деп, «ов»-ты қалдыра салады… «Қазақ үні» газетімізде қанша жаздық, » Азаматтардың тегін ұлттық негізде жазу туралы Президент жарлығын» барлық ЦОН-дарда плакат етіп іліп қою керек деп… ТАСКЕРЕҢ ҮКІМЕТ ЕСТІР ЕМЕС. немесе, олар да ҚАЗАҚҚА ҚАРСЫ ЖҰМЫС ІСТЕП ОТЫР…

  11. Қазыбек, баяғы студенттік достардан біз екеуміз лақтырыппыз ов ев ті. Ал Нұрлан,Қадірбек, Орынбектер лақтырған ба. Шарафаддин де лақтырған ау шамасы. Олардын хал жағдайлары қалай. Фейсбукке жоламайды екен олар.

  12. Кім не десе о десін Қазыбектікі нақты іс. Кезінде Бауыржан МомышҰЛЫ болып халықтың санасының өсіне ісер еткен. Менің әкем Б.Момышұлының досы ғалым Әсілхан Оспанұлы төлқұжатына ОспанҰлы деп жаздырту үшін төлқұжатын бірнеше рет әдейі «Жоғалтқан».Енді кейбіреулер «шөп сындыруға»ерінеді.

  13. Казы ага дурыс айтады. Бул жерде ангiме,оз тегiндi тузу жаз дегенi. Баукен Момышулы тегi ушiн карсы турган гой. Каным казак,ултшылмын. Бiрак тегiмдi тузету ойда болмапты.Ендi есте болады.

  14. Қазыбек Иса өте орынды мәселе көтеріп отыр. бұны бәріміз қолдауымыз керек! Ал құлдық жалғаумен өмірден өтуді мақсат еткен мәңгүрттерді мен де достықтан шығарып тастадым… Махамбет Ерғали

Пікір жазу

Пікіріңізді енгізіңіз!
мұнда сіздің атыңызды енгізіңіз