Мереке қарсаңындағы басқосу

1
1087

Ақ жол» ДП-сың Атырау облысындағы филиалы жергілікті журналистерді қабылдап, мерекелерімен құттықтады.

   Қалалық мәслихат депутаты Серік Сәрсенұлы «Ақ жол» ҚДП облыстық филиал төрағасы Ермекқали Юсуповтың атынан тілшілерді төл мерекелерімен құттықтады.

   «Бұл күнді бүкіл халыққа ортақ мереке десек те қателеспейміз. Себебі, біздің әрқайсымыз оқырман, көрермен және тыңдарманбыз. Журналистер дайындаған әр жаңалық, тұщымды ой, соны пікір қалың бұқараға арналады. Тәуелсіздігімізді тұғырландыру, егемендігімізді еңселету, Елбасымыз бастаған биіктерге қол жеткізу жолында бұқаралық ақпарат құралдарына артылған сенім жүгі ауқымды. Сіздер облысымыздың саяси-қоғамдық, әлеуметтік-экономикалық тұрғыда өрлеп-өсуіне, мұнайлы өлке мәртебесінің әлем елдеріне, республикамызға танылуына айтарлықтай үлес қосып келесіздер. Біз мұны байыпты бағалаймыз» –деді.

Кездесу соңында тілшілерді «Алғыс хатпен» марапаттап, ақшалай сыйлық ұсынды.

Елигер ЫРЫС

Атырау облысы

 

1 Пікір

  1. Бүгін таңғы алтыдан басталған қаламгерлерді құттықтау ақпарат көздерінен шабыт шарабына шомылдырып жатқаны көңілге медет, адамға қуат толтырғандай болды. Тек ,біздің Торғай елінде, оның ішінде Арқалық қаласында билік түгіл қаладан шығатын қос басылымда әріптестерін құттықтаған бір ауыз сөз таппадық.Тек бір газеттен Арқалық мемлекеттік педагогикалық институтының ректоры, азамат Сейтбек Қуанышбайұлының құттықтауына көңіл разы болды.Екінші бір қуанышымыз кәсіби журналист, «Торғай» газетінің негізін қалаушы марқұм, Ахметхан Байжанұлы тұрған үйге ескерткіш тақта орнатылды.
    Осы абыройлы іс шараны ұйымдастырып, Ахаңнын абыройын асқақтатып жүрген Майра Шөкенге қала тұрғындары ақ сезімге оранған алғысын білдірді.Тек ат төбеліндей жергілікті теледидар, «Қостанай таңы» газетінің өкілі және зейнеткер аға-апаларымыз шағын кафе дастарханынан дәм татып Ахаңды еске ала отырып, өзімізше төл мерекемізді атап өттік.Дәл бүгін қаламызға жаңа басшы келді, әттегенай-ын арқалап. себеб,і «сәлематсізін» қазақша бастап «извините, продолжу на русском» -деп сайрап қоя берді. «Жас келсе-іске»,-деген үмітке бұлыңғыр сызат түсіп, ел еңсесі пәс болды.
    Жалпы айтқанда қазақ газеттерінің тағдыры, оның ішінде ауыл-қалалардағы жекенің қолындағы кішігірім газеттер өздерінің бет пердесін шешетін кез келгенін Республикалық деңгейдегі ақпарат құралдары арқылы бағыт-бағдар беретін кезең туып отыр.Билікке жалтақтаған кіші форматты кішкентай қала, аудан газеттері тек билікке жағыну үшін қызмет жасап ақпарат құралдарының биік белес беделін жоғалтуда.Мақала негізіне ақпарат беру «сен тимесең-мен тименің» қалпімен жанға жайлы, билікке жаққан теріс дүнеят болып тұрғаны барша Қазақ жеріне орналасқан ауыл-қала газеттеріне тән үрдіске айналып барады.Осыны ойланайық, осы газет-айнамыздағы кірден арылайық.

Пікір жазу

Пікіріңізді енгізіңіз!
мұнда сіздің атыңызды енгізіңіз