ҚЫЗЫЛ ҚАНҒА БОЯЛҒАН ҚЫЗЫЛ ТУ ҚҰЛАҒАН КҮН!

1991 жылғы 25 желтоқсан - қаншама халықтың, қанша миллион қазақтың қызыл қанымен боялған қызыл империя - Кеңес Одағының Қызыл туының құлаған күні! 

Өз ұлтын сүйіп, халқының мүддесі үшін күрескен миллиондарды “Халық жауына” айналдырып, атып-асқан, 4 миллиондай қазаққа геноцид жасаған, миллиондардың сүйегінің үстіне орнаған империя 69 жылдан соң келмеске кетті! 

Орта Азияда Қазақ Республикасымен бірге 5 түрік мемлекеті құрылып, Тәуелсіздік туларын көтерді!

“КСРО- ны қайта орнатамын дегендердің миы жоқ”-деген Нобель сыйлығының лауреаты, ғұлама ғалым Андрей Сахаровтың сөзінің расталып келе жатқанын бір-екі жыл бұрын Ресей Президенті мен саясаткерлеріне қарсы жауап ретінде жазған “ТАҒЫ ШАЙҚАЛА БАСТАҒАННЫҢ МИЫ ШАЙҚАЛА БАСТАЙДЫ!”-деген мақаламызда қолдап, қуаттап едік…

Оған осы тарихқа еніп бара жатқан 2022 жыл -Барыс жылы барынша көзіміз жетті!

Алашқа Алла жар болсын! 

Тұран мемлекеттерінің Тулары көкке өрлей берсін!

Қазыбек ИСА, 

Қазақ үні