Қостанай әкімі мұсылмандар зиратын басқа жерге көшірмекші

Қала әкімі Марат Жүндібаев атап өткендей, бас жоспарға сәйкес «Қонай» шағын ауданында тұрғын үй құрылысы жүргізілуде. Үйлер бұрыннан бар зиратқа жақын орналасқан. Сондықтан жаңа ауданның болашақ тұрғындарының, сондай-ақ осы зиратқа жақындары жерленгендердің мұң-мұқтажын ескере отырып, оны (зиратты) консервациялау мәселесін қарастыру қажет.

Алайда, бұған дейін әкім жерлеуге жаңа орын табуды тапсырды. Бұл мәселе имамдармен бірге талқыланады. Марат Жүндібаев тиісті тапсырма берді: 2023 жылы жоба әзірлеп, мұсылмандарды жаңа жерге жерлеуге барлық жағдай жасау керек. Шарттарға зираттың қажетті қоршаулары ғана емес, сонымен қатар жаңа алаңға кіретін жол да кіреді.

– Жаңа орынға жағдай жасаған соң ғана зиратты көшіреміз, – деп түйіндеді сөзін Жүндібаев. 

Тағы бір айта кетерлігі, әуежай ауданындағы зират тұрғын үй-коммуналдық шаруашылық бөліміне бекітіліп қойған. Бұрын ол иесіз деп танылған.