Жерді жалға алғандардың тізімін халық білуі керек – Дайрабаев

1
542

Жер пайдаланушылардың кім екенін, жердің нақты иесі туралы мәліметті халық білуі шарт, – деп жазды inform.kz.

Бұл туралы Жер реформасы жөніндегі комиссияның бірінші отырысында Қазақстан фермерлер қауымдастығының төрағасы Жигули Дайрабаев айтты.

«Жер шетелдіктерге берілмесін деп дабыл қағып жүргенде, қазіргі жер пайдаланушылардың Қазақстан резиденттігінен шығып, шет ел азаматтығын алып жатқанын байқамай қалдық. Өкінішке қарай, фактілер бар, жақын арада тиісті материалдарды комиссия назарына ұсынамыз. Шет ел азаматтығын алып жатқандар қолда бар мыңдаған гектар жер телімін банкке кепілге қойып, қыруар ақша алып, кейін қайтара алмай, шет елге қашып кетпеуіне кім кепіл? Заң кері күшіне ие бола алмайды деген кертартпалықты қойып, тиісті механизмдерді қарастырған абзал», – деді Жигули Дайрабаев.

Сондықтан жерді жалға алғандардың тізімін халық білуі керек.

«Тіпті, жер пайдаланушы заңды тұлғалардың құрылтайшыларының кім екенін, қай жердің азаматы екенін жердің нақты иесі – халық білуі шарт. Президентіміз халыққа жасаған соңғы Жолдауында қоғамдық бақылау рөлін күшейту керек деп қадап айтты. Сондықтан «Елдің көзі – елу» деген принципті жер мәселесіне де пайдалануымыз керек», – деді спикер.

1 Пікір

  1. Оған қосымша- Әр ауылдың шетінен жан жағына он шақырым жер еш кімге жеке берілмеу керек. Ол жер ауылдың малдарының жайылымы болу керек. Халық, малына жайылым болмаса, бәрін тастап қалаға кетеді. Қалаға барған соң, үкіметпен дауласа бастайды, үй бер деп, жұмыс бер деп, еңбек ақы бер деп, тағы басқа бірдеме бер деп. Осының бәрін үкімет ойлау керек.

Пікір жазу

Пікіріңізді енгізіңіз!
мұнда сіздің атыңызды енгізіңіз