«Бәріміз кінәліміз»: Министр Балаева қазаққа жат дүниелер жайлы ащы шындықты айтты

4
2820

Ақпарат және қоғамдық даму министрі Аида Балаева «Рухани даму және ұлттық дәстүрлерді сақтау» дөңгелек үстелі кезінде бала тәрбиесі мен қоғамда болып жатқан жағдайларға қатысты ойын айтты, деп хабарлайды Sputnik Қазақстан тілшісі.

«Отбасы және ұлттық құндылықтардың негізінде тәрбиеленген баланың үлгерімі де, интеллектуалды күші де көп болады. Осыны қоғамға, ата-аналарға жеткізуіміз қажет. Қазір біздің қоғамда мейірім жетпейді. Бір-бірімізге жанашырлық жасауды қойдық. Ізет көрсетуді қойдық. Осының бәрі ұлтқа зиянын тигізетін дүниелер. Бұл олқылықтарды болдыртпау сіз бен біздің қолымызда», – деді Балаева.

Министрдің сөзінше, әр адамның бәсеге қабілетті болуына үш фактор әсер етеді.

«Біріншісі – денінің саулығы, екінші – біліктілігі мен білімі, үшінші – мамандық таңдауда жаңылыспай, өз-өзін табу мәселесі. Жаһандану процесінде өзінің ұлттық құндылықтарын жоғалтпау үшін рухани жаңғыруды бойына сіңіріп өскен бала болуы керек. Бұл жерде отбасының рөлі үлкен», – деді министр.

Отырыстың қорытындысында ақпарат және қоғамдық даму министрі Аида Балаева осы тұста қоғамның екіге бөлінгенін айтты.

«Біз қоғамда өмір сүріп жатырмыз. Қоғам – үлкен. Біздің қоғам екіге бөлініп отыр: демократиялық қоғам, ұлттық тұрғыда өсіп-өркендеген қоғам. Абай адам баласын заман өсіреді. Кім де кім жаман болса, замандасының бәрі кінәлі деген. Бізге жат дүниелердің пайда болғанына қоғам мүшелері – бәріміз кінәліміз», – деп түйіндеді Балаева.

Сонымен қатар министр ұлттық құндылықтарды дәріптеу, жандандыру қажет екенін айтты.

4 ПІКІРЛЕР

  1. Мемлекеттік тілде сөйлей алмайтын адамдардың мемлекетттік қызметте жасауға заң жүзінде де, ар жолында да құқықтары жоқ. Ақылы бар есі дұрыс адамға осыны түсіндірудің өзі артық емес пе?!

  2. МЕМЕЛЕКЕТТІК ТІЛДІ – құрметтемейтіндер мен орыс тілінде сөйлеп ҚОРЛАУШЫЛАРДЫ – ЖАЗАЛАЙТЫН да ОРЫНДАРЫНАН қуатында УАҚЫТ ЖЕТТІ !!.. Енді уақытты созуға болмайды !!… Барлық ІС те… жиналыста… тек МЕМЛЕКЕТТІК ТІЛДЕ жүргізілсін !!!..

  3. Адам баласын заман өсіреді деп Абайды тасалаудың қажеті жоқ. Заманды, яғни қоғамды кім қалыптастырады? Қоғамды белсенді зиялы қауым және білікті билік қалыптастырады. Зиялы қауымның аузын жауып отырған билікпен біз алысқа бара алмаймыз. Оның ішінде осы Балаеваның өзі де бар. Әдемі сөйлеуді бәріміз білеміз. Нақты іс қайда, Балаева Ханым?

  4. Ұлттық құндылықтарымызды жаңа қырынан жетілдіріп отыратын арнайы институттардың жұмыс жасағаны дұрыс,жәнеде
    жоғарғы жақтан арнайы бағыттап қолдау білдіріп отырса ,,,,,,,,

Пікір жазу

Пікіріңізді енгізіңіз!
мұнда сіздің атыңызды енгізіңіз